A lawhcing khangno khat suahnading thusim 10 te

A lawhcing khangno khat suahnading thusim 10 te

1). Na nu le pate’ hauhna tungah kinga kei in! Zingciang mi khat hong pai in hong khem kha dinga, na neihsateng na suplawh kha ding hi. Nang mimal a na sepkhiat theih nadingin hanciam in!

2). Pasian in mikim tungah kivakna(talent) khat ciat hong pia hi. Tua na kivakna adingin thungen inla, thei khia in; tua tungtawn in kalsuan khia in. Tua hileh tua na kivakna pen nang ading thupha hong suak ding hi.

3). Mite’n a kivakna(talent)te uh zangin sum tampipi a ngah laitak in social media ahi… ping, tweet, facebook le adangte zangin na hun mawk beisak ken! Pilvang takin zang siam in; banghanghiam cihleh hih social media lam a neite in ei hong zangin sum tampi ngah lawh uh hi.

4. Ahoih nate phat ding thuhoih mahmah khat ahi hi. Ahi zongin pilvang taka phat theih ding kisam hi. A kisamlo thute… gentehna football le a kimawlte thu peuh kinialna in na hun beisak kha kei in..Nang thu mite in hong gen uh ciangin zongin ngaihsun mahmah in!!

5. Nulepa paktat gualnopna khawngah nuamsa kha peuhmah kei in. Tuate in na nuntak khualzinna ah thupha hong pia hetlo dinga, kamsiatna le guallelhna bek hong tun ding hi.

6. Na maban na ngimna le na tupna na tangtun sak theih nadingin hong huh thei numei/pasal kician ngah sawm zaw in..Numei/pasal tawh kop loin khatkia kilawhcing thei taktak lo hi.

7. Haksat buainate nangkia a vaivensak theih ding hanciam in. Hihin nuntakna dingin a thupi mahmah khat ahi hi. Midangte peuh eeng in mau dan lian bangin sem mawkmawk kenla, amaute kalsuanzia etteh kawmin nang nuntakna sungah zang in!!

8. Teep le muam, zu dawn thai kapte kidawm in; hite in na nuntakna hong siasak ding hi. Ahi zongin mi tawh kikholh theihna ciang ding khat in zang thei lecin zong sia lua sam lo hi.

9. Midangte huh dingin na lungsim puah inla, na kim le paam a om mite huh in. Tua bangin mite na huh theih khit ciangin amaute lungsim in nang ading thupha naak khat hong suak ding hi.

10. Ahi theilo/a piang theilo ding banga kilang thute ngaihsun khia inla, a hithei khat in piangsak in. Mi thupite in mun khat panin kipan khia uh hi. Semsuak teta inla, thupha ngah kawmin mite ading thupha suak in!!

Note: “THESE ARE THE 10 TIPS FOR A YOUTH TO BE SUCCESSFUL” cih thulu tawh kigelh ei lai in kong letkiat ahi hi. Credit: nairaland.com

Lungdamna lianpi tawh
Dong Mung
28/11/2017