Malaysia gamsung ah Taxi saap mankhangding

Malaysia gamsung ah Taxi saap mankhangding

Malaysia gamsung aom Taxi leh mawtaw kawmman te 20% panin 40% dongah tulian akipan (immediate effect) ki khangto sakding hi ci’n Land Public Transport Commission (SPAD) te’n zanni in pulakkhia uhhi. Tuaban ah Express Bus Fare tezong 15 May akipan 22.6% ki khangto sakding ci hi.

Hih Taxi saap aman khanding tawh kisai in Klang Valley, Johor Baru, Penang kuamsung aom Budget Taxis te ii Flagfall Rate ki lamdanna omloding hi. (Flagfall Rate cihpen Taxi tungah natuanphet in aki Charge khinsa ahihi). Ahi zongin Budget Taxi ahilo TEKS1M tepen nidangin Taxi tung natuanphet RM3 bek hongkila himah taleh, tu in RM4 ki lato tading hi.

Adiakdiak in Klang Valley, Johor Baru leh Penang kuamsungteng ataikawikawi ahi to Budget Taxis, 1Malaysia Teksi (TEKS1M) leh Hired Cars te asaapman akhangding ahihi ci’n SPAD chairman Tan Sri Syed Hamid Albar in genkhia hi.

Executive Taxis te leh Airport atai mawtaw te ahihleh ki lamdanna omloding, asaapman khangloding hi.

Malaysia gamsung ah Taxi Fare leh Express Bus saap tepen khangsakden cih omkhollo a, anunung aki khangsakpen 2009 kumpek hita hi. Kum 6 sungbang aki khangsaklo suak hi.

Tua hi a, Taxi tung natuanphet in RM4 alahpah aleh lamdang sakding hilo a, tuabek thamlo nidang sangin Taxi saap tam atunzawkleh zong ahang theihpah gigeding ahihi. ZD Sawltak #zomidaily