Malaysia gamsung ah “Samsung Pay” tawh van kilei theita

Malaysia gamsung ah “Samsung Pay” tawh van kilei theita

Mihau sumhau pawlkhatte’n apai napeuh ah Credit Card tuamtuam puakawikawi nuamnawnlo ahih manin, Phone tungtawn in sum piaktheih ziauziau dingin Tech Company tuamtuamte hanciam uhhi. Samsung Company inzong “Samsung Pay” cih bawlkhia uh a, tu’n Malaysia gamsung ah kizang theita hi.

Hih Mobile Payment System pen zattheih nadingin “Mobile App” khat Install ziauding ahihi. Samsung Galaxy Smartphones azangte in tua Samsung Pay kici App sungah Credit Card leh Debit Card te ii akisam Details teng ciamtehding a, khuasung Retails Stores khatpeuh ah vanleiding in apai ciangin Phone tungtawn in sum kipia theiziau ta hi.

Hih Samsung Pay ii App sungah Credit Card, Debit Card, Prepaid Card cihbang in namtuamtuam kizangthei a, Card Details 10 ciang kikemthei hi.

Retails Store khatpeuh ah vanleinop ciangin Phone panin NFC (near field communications) ahih keileh MST (magnetic secure transmission) zangin, Payment Terminal ah nehsak ziauding hi a, tuapan in Fingerprint ahih keileh PIN Number mekziautawh van leina lemsak mahmah uhhi.

Malaysia gamsung ah Maybank Card azang pawlkhat in hih Service pen abeisa December kha pekpanin azangthei khinta uh hi a, tuapen Beta Testing Program abawlkawm ahihi.

Tulaitak Malaysia gamsung aom Bank tuamtuam lakpan in Samsung Pay aki zangkhawmthei pen Maybank, Citibank, Standard Chartered Bank leh CIMB Bank te ahihi.

Hong Leong Bank zong asawtlo in ki zangthei tading hi. Tuaban ah Malaysia gamsung aom Financial Service apia Bank thupi tuamtuam tezong asawtlo in abanban in ki zangtheiding cihi.

Gam khangto te ah sumtang, sumlaidal cihte kuamah in tawitawi nuamnawnlo uh a, Credit Card leh Debit Card cihte vive zatnuam kisazaw hi. Tu’n Credit Card leh Debit Card tezong nawngkai kisata a, Phone tungtawn in sumpiaktheih dingin ki vaihawm a, nakhempeuh “Digital Experience” ahih keileh “Digital Wallet” dingin ki hanciam tekta hi. ZD Sawltak #zomidaily

Samsung Pay aki zangtheiding Phone tepen Galaxy Smartphones sungpan in S7 Edge, S7, S6 Edge+, Note 5, Galaxy A5, A7 (2016 and 2017) cih Model te ah kizangthei dinghi.

Samsung Company te genkhiatna ah hih Samsung Pay pen Malaysia gamsung aom vankizuakna khempeuh phial ah kizang theiding cihi. Tulaitak gambup vanzuakna Merchants Nationwide ii 90% val ah ki zangtheikhin hi. Food and Beverage Outlets, Fashion, Lifestyle Retailers, Supermarkets to Department Stores cihte ah kizangthei khinhi.

Malaysia gamsung ah Samsung Pay aki zatkhit ciangin Asia Pacifici gamsung aom ahi Thailand, Singapore, Australia te ahzong zattheihding kipanta cih kiza hi. ZD Sawltak #zomidaily