Malaysia ah ISIS te khutzat mi 4 kiman khiata

Malaysia ah ISIS te khutzat mi 4 kiman khiata

Malaysia Police te’n ISIS migilo tetawh akizom dingin aki ummawh mi 4 mankhia uh cih The Sun Daily in genkhia hi. Mi 3 tepen Monday ni in akiman hi a, adang khatpen Friday ni in akiman ahihi.

Inpector-General of Police Tan Sri Khalid Abu Bakar in tuni Statement ah agenkhiatna ah tua akiman mi 4 te lakah ah numeikhat kihel a, the KL International Airport (KLIA) leh Setiawangsa LRT Station, Kuala Lumpur panin Bukit Aman Counter Terrorism Special Branch te’n amatkhiat uh ahihi cihi.

Amasa akiman mi 3 tepen kum 23 leh 28 kikal hi uh a, Turkey gam panin Malaysia hong lehlutkik uh ahihi. Hihte lakah nihpen nupakop hi uh a, Malaysia gamsung Perak State pan ahi uhhi. Adang khatpen Terengganu State pan hi a, amau te pen Engineer leh Insurance Agent khawng ah nasep hoihmawhlo anei hinapi in, ISIS te panpih dingin Malaysia pan Syria gam zuanin galkap avatum uh himawk hi.

Friday ni in meileng khawlna LRT Station panin amatkhiat uh kum 28 aphapan ii genkhiatna ah amahpen ISIS makaipi te sawlna tawh meileng Station ah Bomb sukham dingin hongkuankhia cimawk hi. Ama pumpi tawh Bomb puakkhamsak ding, Suicide Bomb sukhamding in hongkipan nahimawk hi.

Tuaban ah hihpa pen Malaysia gamsung State tuamtuam ahi Terengganu, Perak, Selangor, Johor cihte ah ISIS te ii dialkhai Flag nakhai kawikawi a, ISIS te ii nasep apanpih mahmahkhat ahih banah, Malaysia kumpi in ISIS te nasep akankhiat, amatkhiat pen khawlta uhhen ci’n kumpi te Warning ana piapia khat hisawnsawn hi.

Hih aki mankhia IS te khutzat mi 4 tepen Malaysia kumpi thuneite in thusitna bawllaiding uh cih kiza hi.

Malaysia gamsung vaksuk vaktohna ah kidopding leh mipi tamhenhanna khawng pelhtheih pelhmawh in pelhding cihmah hizel phot ei. ZD Sawltak #zomidaily