Malaysia, Setia Alam ah damiah mi 3 te’n mi 1 asat huan laitak uh Video kikhahkhia

Malaysia, Setia Alam ah damiah mi 3 te’n mi 1 asat huan laitak uh Video kikhahkhia

Malaysia, Setia Alam vengsung ah damiah mi 3 te’n Cashier Counter ah nasemkhat asat huan laitak uh Video ki khahkhia hi. Hih thupiang pen Setia Alam vengsung ah abeisa Sunday ni in thupiang kici a, damiah te’n asatgawpna hangin Cashier Counter ah nasempa pen nakliam mahmah kici hi.

Hih thupiang pen December 23 (Sunday) ni in thupiang hi a, buaina apian laitak inzong CCTV (closed-circuit television) panin kiciantak in kimuthei hi. Tua CCTV Video Footage pen Malaysia Netizen sungteng ah ki thehzakpah zihziah hi.

Video sungah amasa in damiah khatpa pen saisung ah lutmasa in, Cashier Counter ah thu dotnop aneikek bangin kineih hi. Tuazawh asawtlo in alawmte damiah mi 2 tunbeh in, tuaciang Cashier Counter ah nasempa pen asat huangawp uh ahihi.

Amasa damiah pa in anungah aselsim temta (namsau) khat lakhia in, Cashier Counter ah atupa pen agawl atphei saksawm hi. Tua Cashier Counter ah atupa inzong singtawn khat nakem khilkhial a, tua damiah pa ii gamtatzia atheih ciangin aciangtawn lakhia in, kisatpah phangphang uhhi.

Video: A man is believed to be seriously injured after fighting off three robbers, who one of whom was armed with a machete during a robbery in Setia Alam. The Dec 23 attack, that was captured on a closed-circuit television (CCTV) camera footage, went viral on social media.

Ahi zongin damiah mi 3 leh amahbek himawk ahih manin, damiah te’n zawhthawh zawtham uh a, Cashier Counter ah nasempa pen leilak ah tuksuk in, limthuak dikdek mahmah hi.

Tua damiah te’n Counter panin sumleh van manpha tampi adeihteng alakkhit uhciangin taikhia vingveng uhhi.

More: Malaysia ah numeikhat damiah kitaih in temtawh akisat laitak Video ki khahkhia

Hihvai tawh kisai in Malaysia Police te akidot ciangin buaina thupiang pen hongki zasak mahhi, tua damiah te mattheih nadingin aki kansan laitak hi ci’n genkhia uhhi. Sawltak #zomidaily