Malaysia, Jalan Kuching datsisai ah gamdangmi khat ii mawtaw ki satsakgawp

Malaysia, Jalan Kuching datsisai ah gamdangmi khat ii mawtaw ki satsakgawp

Malaysia, Kuala Lumpur, Jalan Kuching aom datsi thunna Petrol Station khatah kum 67 aphakhin British Citizen khat ii a mawtaw ki satsakgawp cih theStar pan kiza hi. Tua British gammi papen Michael Plascow kici a, Malaysian Permanent Resident khatzong ahihi.

Zanni Thursday nitaklam 6:30pm hunpawl in Jalan Kuching aom Petrol Station ah datsi thunding in apailaitak amai aom Motorycyle khat Horn tumkha cihi. Horn tumzong agin angaihlua hilo a, damdam in atum “lightly sounded” cihi.

Tualeh ama mawtaw sungah datsi thundingin Credit Card Machine maingatsa in adinlaitak tua Horn atumkhak khangno nihte’n thakhatthu in amawtaw Windows teng siktawn tawh satzan sakgawp uhhi.

Hun tawmcik sungin mawtaw Windows teng avekin satzan sakgawp uh a, tuakhit ciangin tua British gammipa khutvan in zahpih ciamnuihbawl in taikhia vingveng uhhi.

A gamtatna uh lungkim mahmah, gualzo kisa mahmahsa in Motorycle tawh taikhia vingveng uhhi ci’n tua British gammi pa’n genkhia hi.

Tua British gammi Michael Plascow pen Malaysia gamsung ah Design Company khat anei hi a, hihbang in amawtaw aki bawlsiatsak pen haigamtat samahmah hi. Hih gamsung ah lungmuanna om kasakei a, ka lauthawngvat mahmah hi. Lamdang salua in keizong ka tusuk a, kagei aom te’n dawnding Drink hongpia uh a, tuakhit ciangin Police te kasam hi ci’n genkhia hi.

Ahi zongin Police te’n CCTV panin tua Motorycle pen hoihtak ki mutheilo, Number Plate zong kicianlo, Quality sianglolua cihsan sawnsawn uhhi.

Tuaban ah British pa’nzong a Phone tawh Motorcycle azaih himahleh hoihtak in zaihmanlo ahih manin, kicianlo sianglo sawnsawn hi.

Aki suksiatsak mawtaw pen Land Rover khat hi a, Windows avekin satzan uh ahih manin, asiatna sumbeizah akituat ciangin RM5000 bang beiding cihi.

Malaysia gamsung ah ka omzawh kum 25 hikhinta a, abeisa in hihbangin in gitloh gamtatna, bawlsiatna ka thuakngei kei hi ci’n genbeh hi. Michael Plascow pen Malaysian gammi numei khattawh akiteeng hi a, ta 4 nei in, Malaysia gamsung ah aomsuaksuak ahihi.

Kawmbulak cihlah hilo, Petrol Station zizen ah hihbang in kibawlsiatna aomding in ngaihsun kha ngei hetkeng, za zong za ngeikeng, bangbang hileh khuasung koikoi ah mitpil in, kidopding athu mahmah himawk ei ci’n genkhia hi.

More: Puteek mawtawhawl khatin Brake sikding, Accelerator sikkhial in Store sung lutsuak

Malaysia ah gamdangmi limlim pen zawhthawhbawl, simmawhbawl uh cih kilang mahmah hi. Mawtaw lamzikpi tungah mawtawhawl, Motorcycle hawlte’nzong lampi thukhun zuihetlo uh a, Horn ki tumsanleh hehmahmah sawnsawn uhhi. Sawltak #zomidaily