Tulaitak Malaysia Covid-19 pulpi Lock Down vai in Zomite haksatna zia

Tulaitak Malaysia ah Covid-19 pulpi Lock Down vai in Zomite haksatna zia

1. Febuary kha, khasum kisang khin lian lock down di thei khollo innlam ah antawk nadi akhak pah ki om’ Lock down teh tha khat in beidong.

2. March 18 ni lock down teh nasem theihlo nasep kikhak teh boss ten anasemte uh pawlkhat innkhan kipiak ngahte deihlo in hawlkhia pah uh ahih man omnadi neilo in meltheih innsap te bel in omphot uh hi.

3. Lock down March bei ciang ahihleh cihtawh Adongtang phadiak te ZAM, leh ZRC in anneektawm di akisam bangbang vanpah in NGO pan angah masaksak uh Zomisung cimawh Innkuan tawh omte, Nauno tawh omte, Adamlote, leh Pasal kimante thongkiate innkuan pihte cihbang in mintang taangtang hawm thiamthiam bang in akisam na munmun ah puak kawikawi pah hi.

4. Lock down hong kisotohtoh teh Innlam sumkhak lo innsap te March leh April kha innsap meisap tuisap kipia khin ahih man in anneektawm di leh May kha Innsap Tuisap Meisap ditawh thakhat thu in buaina kinelh siah to hi.

5. May 4 niteh nasep hongkik di thu kumpi lampan hong omtei ahizong in Kumpi phalna laibu tawh omte leh Innteek gammite nasep kuanthei bek atamzaw hi citciat pan ahih man in Zomi beemtawh omte leh Gambel card tawite boss ten nasep kuankiksak di sang ngamlo phot uh ahihi. Banghang sang ngamlo hiam cihciang in Nasem lutte company ah Ansai te Setyung te ah min, phone nambat, omna mun ,laibu passport nambat kikhum sak hi. Ansaibang hileh anne apaite bekzong kikhum in cisa tehna kiteh ciatciat ahih man in Zomi beemtawh om nasemte ading in lem hetlo ban ah nasep na pu boss te zong patau gigesa in om hi.

6. Meisap leh tuisap bills piakna zong Zumkong ah cisa kiteh, Khut sil Hand sanitizer kizut, minkhum, address khum phone number kigelh masa sak khitteh bills kipia sak hi. Sumpiakna amuntuam hi in Receipt lakkik na roomtuam hisak sese laihi.

7. Atamzaw Zomite haksatna theisa vive ahihman leh athuak asin khinsa vive ahih man in #HAKSA acimasa nuam hetlo numei hita leh pasal hitaleh athuak teta uh ahihi. Ahzong lock down 4 vei kisot in hongkhintoh takteh meikhu paisuak vat ahihi.

8. Banghunteh nasep nuamtak lutkik theiding Boss ten beemtawh om Zomi te samkik ding kithei cian nailo hi in atatak lock down bei ni ding May 12 ni ciang hiphot a tuakhit bangthu om laiding kithei nailo ahihi.

9. Innteek thunei te inlah amimat zia uh khawltuanlo ding oparacy nasep pen tutung covid 19 pulpi omziak in kuathoihkhat neigige uh a koimun koiteng teng ah beemtawh nasem ki om Beemtawh innsap komun ah kitam cih thukan nop sa san uhi. Hau Thang – Zomi Daily