Malaysia Army Chief in gamkhat peuhah Peace Forces sawlkhia dingin mansa hi ung ci

Malaysia Army Chief in gamkhat peuhah Peace Forces sawlkhia dingin mansa hi ung ci

Dec. 13, 2016: Malaysia Army Chief General Tan Sri Raja Mohamad Affandi Raja Mohamed Noor in Malaysian Armed Forces in UN in kisam a sak leh kilemna a om theihna dingin buaina gam khat peuh, Myanmar kihel in peace forces kici galkap sawl khia dingin mansa in om ung ci-in gen hi.

Tan Sri Raja Mohamad Affandi Raja Mohamed Noor in hih pen zan in Appreciation Ceremony of the Army Chief for Officers and Men of the Army’s Eastern Command ah Malaysia gam-a Rohinya galtaite vai tawh kisai reporter dotna a dawn’ kikna ahi hi. Raja Mohamad in Malaysia gamah Rohingya galtaite hong lut manin buaina kibehlap a, tua dalna dingin gamgi ah galkapte training neihsak pen khan’sak ding hi ci hi.

Malay panin Rohingya galtaite tuanna tembaw 12te zong Malay galkap ten na sawl kik uh a, Malay Prime Minister in Kawlgam-a Rohingyate buaina pen galkap thahatna zanga beisak theih ding hilo hi ci hi. UN in zong Suu Kyi kiangah Kawlgam-a buaina leilu-nitumna (north-west) lam a va phakna dingin nawh hi.

Raja Mohamad Affandi pen 25th Army Chief za len hi a, a hun bei dek ta ahih manin a hun bei ciangin Armed Forces chief za len ding a, Gen Zulkifeli laih ding hi. Raja Mohamad Affandi in Malay in lawhcin’na a ngah theihna dingin lauhuaina a tuakte kipumkhat takin a nawk ding kisam hi ci hi. Malaysian Armed Forces chief General Tan Sri Zulkifeli Mohd Zin in zong Kawl galkap uliante a kimuhpih lai-in Islamic State (IS) ngongtatte a lauhuai zia genpih hi.

A pensen ma-in ASEAN kipawlna sunga gam-a ama za tawh kikem lente kiangah Malay bekah ISte lauthawnghuai hilo a, Malay gam kiim tengah zong hong kizelh ding uh patauhhuai a, tua loin Kawl gam-a Rohingyate buaina zong lim takin a kithupisim kei leh IS (Daesh) ten South-East Asia gamte gamkeekna dingin hong zang ding uh hi ci hi.

More: Egypt gamsung aom Cathedral biakinnpi khatah Bomb puakkham, mi 25 si, 47 liam

Jen Zulkifeli in ASEAN gamte’ Armed Forces chief za len teng a kimuhpihna ah Kawlgam galkap ulian Jen Min Aung Hlaing zong kihel a, zan in a kimuhpih ahi hi. Source: The Star (Malaysia)/ Thang Khan Lian