Khua/ Tualbawl, Lawmh Anneek, Sialsawwm

Khua/ Tualbawl, Lawmh Anneek, Sialsawwm

KHUA/TUALBAWL

Ituh ivawh isuan’ khaici ankungte’ ading thupha ngetna Khua/Tualbiakna ahi hi.

LAWMH ANNEEK

Ituh ivawh isuan’ hunsunga iki lawppih ilawmh tengtawh, Tualbawlni azingcianga lungdamkipak khawma zu le sa le an ineek khopni ahi hi.

SIALSAWWMM

Ituh ivawh isuan’ khaici ankungte hong po’ma hong khan’liatma, vaimimhaam igiit hunma, taanghaam ibawh hunma, ankungte puah zuun hahsiang hunma hun awng sungtengpen kawlzanggamlak bungh’gam lamah sial (zangsial) beng dingin kikuan hi.

Gammang laka zangsialte pen, amau theihloh kaala kimatsawm kikapsawm kiai’hsawm himawk ahihmanin, mat athuak khading sialte bangpen amang uh sia mahmah ding hi.

Amau theihlohkaala akisawwm sialte aki lawhna ”SIALSAWWM” akici hidingin ka um hi.

Ka lungdam, Munkhai’pa

SINNATNA APIANGSAK 7 TE

• 1. Zu tamdawn luatna.
• 2. Ziingzun iipna.
• 3. An tamneek luatna.
• 4. Za tui/tang tamneek luatna.
• 5. Akinim (အေရာင္တင္) leh mehza (အခ်ိဳမႈန္႔) kisawh ante neekna.
• 6. Athau (cholesterol) tamneekna.
• 7. Aki em an le sa tamneek luatna.

KHUAK (brain) ASIASAK 10 TE

• 1. Zingan (breakfast) neeklohna.
• 2. Antam neekluatna.
• 3. Zateep teepna.
• 4. Akhumtam neekluatna.
• 5. Huih siangtho’lohna.
• 6. Ihmut khamlohna (khuak tawlngakhun-tawm).
• 7. Lupcianga lu tuamdenna.
• 8. Ngaplo napi khuakzangh teitei (khuak-gim, khuaktawl).
• 9.Khuak zanglolua leuleu (khuakton).
• 10. Kamtawmlua liang (khuakthasaan ngeilo). Mi’ tawh kamkum, paukhia zelding.

Na khuak ngeekbawl’ in.
Ka lungdam, Munkhai’pa

NAT NA VEH CIANGIN

• Alupna tungah tukei in.
• An aneek laitak hawhkei in.
• A khekhuan lamah dingkei in.
• Natna naneih leh, vehkeizaw in.
• Maitai inla, thuhoihlam bek genin.
• Siavuante’ phalloh nek/dawn theih piakei in.
• A lungsimneute’ kiang va hawhzel in.
• Upna, deihsakna takpi tawh thu ngetsak in.
• Puansiangsilh inla, akilawmzahciang kizeem in.
• Cinate’ tungah anatna dongkei in, akeemte dongin.
• Mi anawngkaisakzah dingin, naknuih nakpau luakei in.
• Napaima in thungenkhol inla, akiangahzong ngetsak in.
• Cinate’ tungah, na buaina leh na natna khawng kuppihkei in.
• Nangpen, khalam taksalama thapia ding nahi hi.
• Pasian nasem nahih leh Lsthokeng in.
• Hunlemlopi in, mawklutkei in.
• Sawtveipi tutukei in.

2007 Zangkong Awging pan,
Ka lungdam, Munkhai’pa