Malaysia, Ampang ah nupa kopkhat leibat haulua ahih manin ki sihbawl uh

Malaysia, Ampang ah nupa kopkhat leibat haulua ahih manin ki sihbawl uh

Malaysia, Ampang vengsung aom Apartment khatah nupa kopkhat asisa in kimu cih theStar pan kiza hi. Ampang, Lembah Permai sung aom Apartment khatpan tuni Friday in thupiang ahihi.

Police te genna ah apasal pen kum 41 aphakhin khat hi a, azi pen kum 36 aphakhin khat cihi. Leibat haulua in lungkham in anupa un aki sihbawl “Suicide” uh hiding hi ci’n Police te’n genkhia hi.

Ampang Jaya OCPD Asst Comm Hamzah Alias in agenkhiatna ah khuasung mipi te’n hih nupa te sihnavai hong zasak uh cihi. Police te’n akankhiat uhciang in apasal pen Lorry Driver hi a, azi pen Clerk asemkhat ahihi.

Meihol “Charcoal” akhu tawh huih ngahlo, Suffocation ahih manin anupa un asi hiding cih ACP Hamzah in genkhia hi. Midang te thahlup, suamlupding in bangmah muanmawhhuai omlo cihi.

Related: Ampang ah kum 65 aphakhin nupi khat damaih kitaih in kithatlum

Aluanghawm pen Hospital UKM (Hospital Universiti Kebangsaan Malaysia) ah Postmortem kibawlding in kipuak a, tuapan in asihna athu taktak akician in kitheiding cih kiza hi. Sawltak #zomidaily