Malaysia, Alor Setar ah mawtaw kibung, mi 1 si, 12 liam

Malaysia, Alor Setar ah mawtaw kibung, mi 1 si, 12 liam

Malaysia, Alor Setar sungah Van mawtaw khat kibung in, mi 1 si a, adang mi 12 liam cih Bernama pan kiza hi. Asipen mawtaw hawl Van Driver hi a, aliam mi 12 tepen mawtaw sungah atuang Passengers te ahi uhhi.

Tuni Sunday (Feb 26) ni zingsang khuavak madeuh in atuahsia uh hi a, meikhuam Electric Pole taihkha in, tuapan in hakguam sungah akiasuk ahihi. Kota Setar Police Chief ACP Mohd Rozi Jidin ii genkhiatna ah mawtaw tuahsiatna munlianpen Batu 10 Jalan Alor Setar-Sungai Petani ah hi a, Van Driver pa’n Control zolo in 3:07am hunin atuahsia ci’n genkhia hi.

Hih Nissan Vanette Van mawtaw tungah atuang mi 12 tepen innkuan meltheih vive hi uh a, Johor ah aom uh kici hi. Alor Setar, Kedah panin Pendang lam zuanin apai laitak atuahsia uh ahihi.

Kota Setar Police te muhkhiatna ah mawtaw hatlua in, ahawlpa in lenkip zolo “Lost Control” ahih manin, meikhuam aphutkhak khitciangin lampi gei aom hawkguam sungah akilawn khia hiding ci uhhi.

Mawtaw hawlpa pen kum 54 aphakhin Shafie Wahab akici khat hi a, tuahsiatna panin amanlang in Hospital Sultanah Bahiyah ah kipuakpah hi. Ahi zongin Hospital Sultanah Bahiyah ah aki bawlbawl laitak in sisuak hi ci’n Police te’n Statement ah pulakkhia uhhi.

Adang aliam mi 12 te lakpan in naupang 4 pen asipa ii atate cisawnsawn hi. Atate pen Mohamad Shahzuan, 17, Nur Suhana, 14, Mohamad Shahril, 13, and Nur Suhaila, 6 cihbang ahi uhhi.

Adang aliamte pen Nor Khusaini Mad, 30, Suriati Faidi, 38, Mohamad Shaharuddin Abd Malek, 23, Nur Aisyah Fathiha Mohamad Taufik, 4, Abdul Shukor Ahamad, 49, Zainab Kasim, 47, Habsah, 27, and Siti Haisah, 23 cih kiza hi.

Zan zingsang inzong Malaysia, Kota Kinabalu sungah numei khat mawtaw tuahsia in, sipah hi. Hatsaklua in, Control zo nawnlo ahih manin, singkung khat aphukha hihtuak hi.

More: Malaysian Chemical Engineer numei khat mawtaw Accident in si

Mawtaw tuahsia atamzaw pen hatsaklua cih hiden pianzaw ahih manin, mawtaw hawl peuhmah in kidop huai cih phawk ni. ZD Sawltak #zomidaily