Malaysia ah Rohingya papikhat gammi numei nawngkaisakna tawh thong kikhia

Malaysia ah Rohingya papikhat gammi numei nawngkaisakna tawh thong kikhia

Malaysia gamsung ah Rohingya papikhat in Malaysian gammi numei khat nawngkaisak, nopmawhsak ahih manin thong khakhat ki kiasak cih theSun pan kiza hi. Zanni Monday ni in Selayang Magistrate’s Court in thukhenna apiak hi a, numeikhat tungah zawhthawh bawlna “outraging the modesty of a woman” cihtawh thong akikhia ahihi.

Tua Rohingya papipa aminpen Mohd Tuson Nukmal Hakim kici a, kum 22 aphakhin khat ahihi. Hihpa pen nasep neilo hisawnsawn a, anasep pen khutdawhngen “Beggar” cimawk hi.

Abeisa March 28 nitaklam 6:45pm hunpawl in Gombak Light Rail Transit (LRT) Bus Stop ah Malaysian gammi numei kum 35 aphakhin khat akhut letsak sawmin, maizumsak mahmah cihi. Tua numeinu pen Cleark nasep asemkhat ahihi.

Hih Rohingya papipa pen ta zong 5 bang aneikhinsa hisawnsawn a, UNHCR (United Nations High Commission for Refugees) Card atawi gambeel khat ahihi. Zanni in Selayang Magistrate’s Court ah thusitna kibawlin khakhatsung thong ki kiasak hi.

Hih buaina Incident apianni in bawlsiat athuak numei Victim nupen Bus tuangdingin Bus Stop ah akhawl, angak ahihi. Tualaitak thakhatin Rohingya khatin nehpheivat a, akhut letpheisawm cihi. Tuakhit ciangin Bus tungahzong zuihsawm cihi.

More: Rohingya te huhna piading Malaysia Tembaw Bangladesh tungta

Abiakna kibatpih uh hih Rohingya tepen Malaysia kumpi in aguptuampian vilvel te uh hi a, khatveivei ahihna taktak aphawksakding hihbangdan omkiaukiau lehzong dikveve hi. ZD Sawltak #zomidaily