Malaysia ah migilo te mat Kawlgammi 4 lakah 2 asisa in kimu

Malaysia ah migilo te mat Kawlgammi 4 lakah 2 asisa in kimu

Malaysia gamsung aom Bekelam, Bachok ah migilo te mat Kawlgammi 4 lakpan 2 te ii aluanghawm kimu cih zanni Monday ni in NST te’n genkhia uhhi. Bekelam, Bachok aom buhleilet nawl ah aki mu ci uhhi.

Kelantan police chief khat ii genna ah asilak ah khatpa ii aluanghawm pen asipa ii alawmte’n aluanghawm amuhpih uhciang in theicianpah uh a, adang khatpa ahihleh apumpi tungah asuihsak Tattoo tungtawn in ki theikhia cihi.

Hih mi 4 tepen Tunjung aom anasepna Construction Site panin nungkal Tuesday ni in akiman ahihi. Migilo mi 9 te tuamun ah amai tuamcipsa in pai uh a, hih Kawlgammi 4 te amat uh ahihi ci’n amau ii anasepna pan Supervisor khat in Police te tungah genkhia hi.

Hih akiman, aki Kidnap tepen adang akiman tetawh kibanglo hi. Hihpen Kawlgam sungpanin biakna vai hangin kilemlohna te Malaysia gamsung ah honglawh hikhathei dinghi ci’n Press Conference ah palik te’n genkhia uhhi.

Hih asisa akimu te ii pumpi tungah temta tawh kidawtna ama tampi kimu hi. Tuaban ah alu uhzong Plastic Bags tawh kituamcip cihi. Asi tepen kum 20 leh 30 gualpawl hiding cihciangbek genkhia uh a, amin apuam te genkhiat neinailo uhhi. Zomi te ahiloding in ih lam en hi. ZD Sawltak #zomidaily