Malaysia ah IS migilo tetawh akizom mi 9 kimatbeh leuleu

Malaysia ah IS migilo tetawh akizom mi 9 kimatbeh leuleu

Malaysia gamsung ah IS migilo tetawh akizomding in aki ummawh mi 9 te Malaysia’s Counter Terrorism Unit te’n matbeh leuleu cih CNA pan kiza hi.

Tua akiman mi 9 tepen Malaysian gammi vive hi uh a, tualak ah sangsia asem School Teacher khat, Security Guard asem khatleh Veterinary Clinic anei khatzong kihel uhhi. Amasa akiman pen Perak State sungah hi a, kum 31 aphakhin Restaurant Worker khat ahihi. Hihpa pen Tapah Police Station asim dingin akithawi cihi.

Tuaban ah Indonesia aom IS Members tetawh kizom in apuakkham theiding hiam vanzatte bawlsawm a, Police Station ah asukkhapsawm ahihi. Tuabek thamlo IS galkap alutnuam Malaysian gammi te khol in abuai mahmahkhat cihi.

Hihpa mahin Veterinary Clinic aneipa zong IS sungah lutdingin nazol ahih manin, tua Clinic Owner pazong kiman hi ci’n Khalid Abu Bakar in genkhia hi.

Adang akiman khatpen kum 27 aphakhin khat hi a, nungkum Puchong aom Movida Club ah Bomb asukham zong hihpa mah ahihi. Movida Club ah Bomb asukkhap uhpen Malaysia gamsung ah IS te’n Attack abawlsawm lakah agualzawh uh kipatna kici hi.

Hihpa pen Syria gamsung aom IS te makai Muhammad Wanndy Mohamed Jedi tawh kilimzop mahmah uhhi. Muhammad Wanndy pen Malaysia gammi mah hi a, Syria ah IS galkap in aomcip khat ahihi.

Adang akiman khatpen kum 37 aphakhin khat hi a, sangsia School Teacher khat ahihi. Kedah sungpanin akiman hi a, Police te genna ah hih sangsiapa in Facebook tungtawn in IS ideology te khahkhiakhia in, IS galkapding mi akaikhawmkhawm khat cihi.

Adang khatpen kum 39 aphakhin Security Guard nasep asemkhat ahihi. Tualo adangte zong Kelantan State pan pawlkhat om uh a, IS galkap tumding in mi akaikhawmkhawm uh ahihi.

More: Malaysia gamsung ah IS tawh akizom dingin muanmawh mi 234 kimankhin

Hihbang in IS migilo tetawh akizom mi 9 bang amattheih nadingin Selangor, Perak, Kedah, Kelantan, Johor cihbangin State tuamtuam te ah Operation kibawl kawikawi hi. March 15 panin March 21 sung Operation akibawlna pan mi 9 tak aki mankhia ahihi. ZD Sawltak #zomidaily