Malaysia ah Covid-19 Vaccination kisunthei

Malaysia ah Covid-19 Vaccination kisunthei

I got my vaccine 19! (Big thanks to Malaysian Government) Pasian thupha tawh July 10,2021 in Covid19 kidalna (Kakuaisi) first dose pen KLCC Convension Center ah ka kisun thei hi. Malaysia kumpi in gammi, khualmi khenlo in a siau khempeuh a kum uzawte masak in hih vaccine kisun sak hi. Malaysia Kumpi Topa in thupha tampi hong piaksak ta hen.

Gambel mi khat hihna tawh hih Covid Vaccine bang ci siauh ding?

Na phone an Mysejahtera app pan in kisiau thei hi. Khual mi tual mi kikhen lo in kisiau thei kim hi..(A siamte na dong un)

NB. UN tawh Mysejatera na bawl leh na IC number pen UN card nambat hilo in na photo nuai a nambat (Individual ID) tawh bawl hamtang in.

Covid Vaccine pen Sen bawl maw?

Sen (China) bawl hi mah hi. A hih hangin neu muh kei in..Gammi te zong tua mah kisun ciat uh hi. Sente pen a gam tawh ki level dingin na khempeuh bawl uhhi. Malaysia a na phone hoih teng teng Iphone leh meileng LRT..MRTte nangawn Sengam pan kibawl hi. (Zatui kisun in minute 15 sung ong ki encik a..bang mah noplohna i neih keileh a kilem hipah lel hi. )

Bangzah vei kisun ding?

Nih vei kisun ding hi..Sut masa (first dose)sutkhit nipi kalthum khit ciang Nihveina (second dose) hong sun kik dinghi.

A theite gen dan in… nihvei sut khit ciangin tua in kha guk sung khan (Aamahkhan) ding a, kha guk khit ciang in khat vei ta kisun kik ding ci uh hi. A thum veina khawng ciang bel sum piak.zong kul kha ding hi.

Tu laitak in kum upa lam kum 45 tungsiah lamte Ussa masa hileh kilawm kasa hi..Gammi khangno kisunte ka dot ciangin ka siauhna uh kum lang- kum khat pha khin a ci vive hi..

Malaysia Zomi gambel khempeuh a teek a moi in siau kim ciat ni..UN card.UN laidal..ZAM.ZRC.MyRC card a vekpi in kingah hi..

Mai lam hun ah..Covid Vaccine kisunte bek nasem thei.. vakkhia thei. hong cih hun om lai kha dinghi..tua hun ciang na siauh phing phing leh ngah hak mahmah ta dinghi.(Ka Upmawh)

Covid Vaccine (First & second dose)a ki sun khinte E’certificate kipia a hih man in tua certificate in nasepna leh vakkhiatna ah poimawh mah mah ding hi. Lungdam. Malaysia Zomite Topa’n damna hongpiakim ciat ta hen. Amen. Daniel Shoute