Malaysia ah Bomb kitam, mi 1 si, adang mi 12 liam

Malaysia ah Bomb kitam, mi 1 si, adang mi 12 liam

Tuni Thursday 09 October zingsang in Malaysia, Kuala Lumpur khuapisung aom Bukit Bintang acihna mun ah Bomb puakkham a, mikhat sipah in adang mi 12 liam cih New Straits Times pan kiza hi.

Asi pen pasal hi a, kum 36 aphakhin Sarawakian minam te hiding in ki ummawh hi.

Adang aliam mi 12 te lakah numei zong nih kihel cihi. Zingsang 4am pawlin a puakkham hi a, Sun Complex kici innpi dawl nihna tungpan in aki lawnsuk hiding in ki ummawh hi.

Hih Bomb puaktam huhau in tulaitak Kuala Lumpur khuasung ah Security nasiatak in kikoih kawikawi a, Police tezong Bus Station, Train Station tuamtuam ah omkawikawi uhhi. Tuaban ah Helicopter tawh Police te Kuala Lumpur khuatungteng ah kimvial in lengkawikawi uhhi.

Akua mapeuh vaksuk vaktohna ah kidopding thupi mahmah dinghi. Mipi tamna, mihon omna munte ah kihel luatlohding zong thupi khading hi. Tuzingsang Bomb puahkhapna munbangpen Kuala Lumpur khuapisung ah mi atammahmahna leh adiakdiak in gamdang Tourist te atualbialna mun nopci khat ahihi. ZD Sawltak