Malaysia gamsung aom 7-Eleven Outlet khatah nasem khatin adang 7-Eleven Outlet ah damiah taihin sum laksak ahih manin, agamtat khialhna aki sikkik nadingin kum 12 sung thong kikhiading cih NST pan kiza hi.
Kum 12 sung amawhna a ngaihsutding hundingin thong akikhiat banah ciangduai tawh tawsat “Canning” zong 4 vei ki thuaksakding cihi.
Tuapa minpen Meor Amirun Meor Zainal Abidin kici a, kum 22 phakhin hi. Abeisa kal 3 sungin 7-Eleven Outlets munnih ah damiah taihin sum laksak ahih manin, Ampang Sessions Court judge Syafeera Mohd in mawhnadaan lohnadingin kum 12 sung thong akiatsak ahihi.
7-Eleven Outlet damiah ataih masakpen May 13 ni hi a, Tasek Permai Ampang aom 7-Eleven Outlet ah ahihi. Sumpawlkhat leh Cigarette pawlkhat luakkhia in, asum in aki tuatciangin RM813 manneiding luatkhia cihi.
Tuazawh May 18 ni in Pandan Indah, Taman Seraya aom 7-Eleven Outlet ah damiah taihleuleu a, sum leh Cigarettee akigawm in RM738.90 manneiding luatkhia cihi.
May 19 ni ciangin hihpa pen kimankhia a, agamtatna amawhna kician cih akitheih ciangin thukhenna akinei ahihi. Khatvei damiah alutna hangin thong kum 6 leh tawsat 2 veituak hi a, akigawm in thong kum 12 leh tawsat 4 vei athuakding ahihi.
Related: Kawlgam Eleven Media te Journalist khat Monywa ah kithat ~ ZD
7-Eleven Outlet panin damiah ataih, avan luakkhiat pen asumin kigawm leh RM1551.90 bek ahihi. Ahi zongin tuazah mannei leltak damiah ataihnopna lungsim hangin thong kum 12 leh tawsat 4 veitak athuaklawh dikdekding ahihi. ZD Sawltak #zomidaily
Comment piaknop aomleh...