Update: USA, Maine State sungah Officer akaplumpa kiman theita

Update: USA, Maine State sungah Officer akaplumpa kiman theita

USA, Maine State sungah Officer khat athatlumpa ki mankhia theita cih Fox News pan Update kiza hi. Tua mithatpa pen amin John Williams hi a, abeisa in Officer khat thautawh akaplup khitciangin a mawtaw zong guksak in ataimang ahihi.

Ataimang cipzawh Police te’n zonghuanpah ngeingai uh himah taleh ni 4 khitciangin amankhia theipan uh ahihi. John Williams pen Saturday ni in kimankhia theita hi ci’n Somerset County Sheriff Dale Lancaster in News Conference ah genkhiata hi.

Video: John Williams, 29, was captured by authorities Saturday, Somerset County Sheriff Dale Lancaster confirmed during a news conference, adding that he was taken into custody at a camp near Route 139 in Norridgewock.

BREAKING: Video of the moment police took suspect John Williams into custody in Fairfield – @DWLODKOWSKI pic.twitter.com/jzUycF1X9B

— NEWS CENTER Maine (@newscentermaine) April 28, 2018

USA, Maine State ah Officer khat kikaplum, akappa matding in kizonsan

USA, Maine State sungah pasal khatin Officer khat akaplup khitciangin a mawtaw zong guksak in taimangpih cih Fox News pan kiza hi. Tuabang in agamtapa pen amin John Williams kici a, kum 29 aphakhin khat ahihi.

Officer khat akaplup khitciangin a mawtaw guksak in, tuaban ah Convenience Store khatah damiah taihsawnsawn cih Officials te’n genkhia hi. Tuavai tawh hangin Maine Authorities te’n John Williams pen matdingin alimzonsan mahmah laitak ahihi.

Hihvai tawh kisai in Somerset County Sheriff Dale Lancaster in agenkhiatna ah kaplup athuak Officer pen Corporal Eugene Cole hi a, Maine State ii khuapi ahi Augusta City panin 30 Miles agamlatna Norridgewock khuasung ah zingsanglam 1:45am hunpawl in akaplum cihi.

Corporal Eugene Cole pen Deputy lakah ahoih, akician mahmahkhat hi ci’n Dale Lancaster in News Conference abawlna ah Reporters te tungah genkhia hi.

Mithatpa in Officer pa akaplup khitciangin Police Cruiser mawtaw guksak in, 24-hour akihong Cumberland Farms Store, Convenience Store khatah lutsuak in damiah taihleuleu hi. Officer pa aki kaplupma in bangthupiang cihpen akician in ki pulakkhia nailo a, ahi zongin Wednesday sunlam in athu akician in pulakna kineiding hi ci’n Authorities te’n genkhia uhhi.

Tua mithatpa pen Convenience Store panin apusuah khitciangin zingsanglam 5am hunpawl in Police Cruiser a mawtaw guksakpen munkhat ah nusia hi. Tulaitak khetawh ataimang hiding in ki ummawh a, thautawi in lauhuaiding ahih manin kidop huaihi ci’n Somerset County Sheriff Dale Lancaster in genkhia hi.

Tua mithatpa matkhiattheih nadingin Somerset County Sheriff’s Office leh Maine State Police te ahuhding in FBI tezong kuankhiading uh cihi.

More: USA, Colorado Springs ah Deputy khat kikaplum, Officer 4 liam

Kaplup athuak Corporal Eugene Cole pen Sheriff’s Office ah asepzawh kum 13 phakhin a, tapasal khatzong anei ahihi. Mihoih mikician mahmahkhat akisuplawh hi ci’n Sheriff’s Office te dahmahmah uhhi.

Maine Gov. Paul LePage inzong Somerset County huamsung aom khuasung mipite lauhuai ahih manin, kidawm mahmah un ci’n zaksakna neikhin hi. Sawltak #zomidaily