Thai ah Myanmar nupi khatin kum 7 aphapan atanu sikkhau tawh khihcip
Thailand gamsung ah Myanmar nupi khatin atanu kum 7 aphapan khat innpan in avakkhiatloh nadingin akhe ah kolbulhsak, Chains tawh vial in tawh kalhcip ahih manin, kumpi thunei te’n Warning pia uh cih The Nation News pan kiza hi.
Thai, Phuket’s Muang District sung aom Apartment khatah Myanmar nupi khatin atanu akhihcip hi a, banghangin hicibawl lawmlawmhiam cih akidot ciangin atanu pen ommawhlua mahmah in, apualam vakkhialeh mawtaw in ataihkhakding lauhuai, amah ka itluat manin akhihcip hi’ng ci’n genkhia cibilbel hi.
Hihbang in atanu sikkol bulhsak in akhihcip laitak Photo pen Thai Social Media tungah akithehzak ciangin ki phunsanpah ngeingei hi.
“Phuket Children and Family Home Care” panin makaipipa ahi Atchara Surakul in hihthu azak ciangin Tuesday ni in kumpi thunei tetawh hih Myanmar innkuan te omna Apartment ah asitding in zingsang 10am hunpawl in vapai uhhi.
Tua Myanmar innkuante pen Thai kampau zong siamlo sawnsawn uh ahih manin, kamphen “interpreter” zangin thudotna nei uhhi. Tuakhit ciangin atanu, anu leh apakik te Muang Phuket Police Station ah ciahpih uh a, thusitna hoihtak neipha uhhi.
Hihbang in naupangno akhihcipna hangin atate hoihtak akemzolo ahihleh ci’n kumpi thunei te’n hih naupangno leh tua naupangno ii anu kum 9 aphakhin pasalkhat tawh anih in kumpite’n kepsakphot uh a, anu apa tepen thusitna amansiang mateng in kikemphotding cihi.
Hih nupa tepen anih un Construction Industry ah asemkhawm uh ahihi. Nupinu pen abeisa in pasal neingeikhin a, apasal masa tawh tazong 4 neikhin uhhi.
Tuaciangin pasal khat neikik leuleu a, tua apasal thaktawh tangek khat neikik in, tua a tangek pen kha 1 bek phapan cihi. Apasal aneihthak penzong Myanmar gammi mah kici hi.
Ata ngektawh hih kum 7 aphakhin atanu pen hoihtak kemzolo in, ommawh mahmah sawnsawn ahih manin, apualam avakkhiat theihloh nadingin sikkhau tawh khincip in tawh akalhcip cimawk hi.
More: Malaysia nupi khatin atanu mipi muhding in sikkual tawh khihcip
Thai kumpi thunei te’n hihthu pen hoihtak akancian, thusitna aneihsan laitak uh ahih manin, anu leh apa te minpen pulak khianailo uhhi. Tua naupang kum 7 pen apumpi tungah liamma pawlkhatzong om ahih manin, anu thusitna akineih ciangin ommawhlua ahih manin kasatzel khamah hi cisawnsawn hi. Sawltak #zomidaily
Comment piaknop aomleh...