Lungkia kei in, kung dongah tai in (Philipi 3:14)

Lungkia kei in, kung dongah tai in (Philipi 3:14)

Pasian in mikim ahongsapna khat ciat a om ahihi. Pasianna hunbit in asem te ahi zongin, Leitung nasem kawm in Pasian minthan na ding mah in a sem te ahi zongin, mimal thu um mi khat ciat a ding in tai kidemna kung I nei hi. Tua kung dong ah I tun dong a manawhte I hihi. A hi zongin I lamkal ah itel batzawhloh ah haksatna tampi I phutkhak ciangin, I lungmang thei mahmah ahih manin, anuai a thute luangngai in, thalak ding kong hanthawn nuam hi.

Pasian na sepna ah nalung a kiat leh hih thu teng tawh kisit dih in:

1. Pasian aw na zak mah a na sep a hiam?

• a. Pawlkhat te pen bangtanvei hiam khat Vision nei khat panpih ding hi thei hi cih zong phawk huai.
• b. Nangma’ vision ma tawh a semsem na hiam?
• c. A sep zia ding zong na dong hiam?
• d. A hun (timing) a man hiam?
• e. A mun ding zong a hi mah hiam?
• f. Bangtanvei cih zong na dong hiam?
• g. Bang ci sep ding ong ci hiam? (Strategy)
• h. Vision leh Mission statement ki cian na nei ta hiam?

Vision i cih ciang ei mi pawlkhat te in mi biakinn pi lam ding mi tam pi nei ding, mi tul bang zah nei ding, cih te lian bek ki sa hi. Vision cih pen i ut leh i deih hi lo ding a, midem nopna tawh i ngaihsut na pan ong suak pong mawk zong hi lo ding hi. US leh a khang to gam te ah na om leh hih te ong guide thei ding te sum pia in cial in, ki makaih sak ( mentor) sak in.

2. I lungkiat ciang in i nasepna i lawhcin leh lawh cin loh pen i vision leh mission statement te tawh en in piciang(measurement) bang in ki teh thei hi. A ma ong sapna ( calling) zong a hih mah hiam cih ngaihsut phat ding ki sam ding hi.

3. I lung hong kiat luat leh ngak zawh ki sam hi cih phawk ni.

4. I lungkiatna pen mi a tawh teh kha hi kha thei.

5. I lung kiat ciang in i giftedness, i office leh i Talent te tawh ki zat na mun mah ah a sem ka hiam cih zong ki dot huai hi. Na mission statement te khel a kul leh khel in la tua tawh kal suan zaw in.

6. Antan thunget na leh Laisingtho sim tinten na, lungngaih na te leh study bawl na te na hih tang tang hiam?

7. Pasian aw zak ding na kisin kei leh a timming hong out ding hi.

8. A aw za le hangh i lung kiatna hong lengla phial zong in hong zual zo lo ding hi.Hih tawh kisai in Pasian mizatte in bangci bangin hong hanthawn uh cihte I en dinghi.

Billy Gramham in Pasian nasep na ah milung kia baih te Pasian zat ka mu ngei nai kei hi a ci hi.

India te National Prophet Sadu Sundar Salvaj in, “Youtube” a thugen na khat ah; Elijah in Pasian vangliat na tawh Baal kamsang te tampi a thah khit teh Jezebel numei san khat a lau ding hi lo hi. Lungkiat natna (Depression )nakpi in hong ngah teh Pasian in na hun cinngta ci nai lo in, ” Topa aw kei hi zo nawn kei ning a cih teh”Elisha, a puan pi( mantle) ki pia pan hi. Na lung kiat leh Pasian in nang tang ding mi khat ding sak ding hi.Elijah lungkia lo hi leh Pasian in a mah mah sep suak sak ding hi kha ding hi. Pasian lam pan nang khawl ta in a ci hi peuh mah lo hi. Tua sang in a tawp dong in sem in a ci hi.

Apostle Paul in, “I have fought the good fight, I have finished the race, I have kept the faith”(2 Timothy 4: 7) ci hi. Hih,tai k idem na tawh ki sai inbang ci bang in hih uh hiam cih en dih ni. Greece te hun lai in tai ki dem teh lane tampi om lo a, lane khat bek ah ki tai hi. A khut uh ah a kuang lai mei (a burning touch) tawi kawm in tai uh hi. Bang zah in tai hat mah ta se leh a khut a a tawi a khah suah leh minphatna ngah lo ding uh hi.A tawi kawm sa mah in a tawp dong in a mei zong a kuan lai le bek letsong ngah pan ding hi” a ci hi.

Pastor Benny Hinn (10 tests of God (You Tube) in, sittel na thu a gen na ah, “na ki piak khiat takpi leh sit tel na a thuap athuap in hong pai ding, khat man nai lo in khat hong pai ding hi a, a sia na khempeuh in nang hong langpang ding hi, kiging sa in om in’’a ci hi. Thaman piak loh in Pasian na ki sem thei lo a hih man in, Pasian na sep na ah misi tampi(many casualties) I nei hi. A sap mi a tam hang in a tel mi atawm hi. Mi tampi in cihtakna nei lo uh a,na sepna tai san uh hi. Pasian hong sapna cih pen ki mawlna hi lo hi.Khatvei na nial khit leh nih vei hong pai kik lo ding hi. A ma sapna na man ni a ki pan, sittel na ki pan hi. Zeisu in a nungzui te a sap khit teh asin (Try)hi. Nisim in na lungsim ong sittel ding hi”.

1. Lunsim puakzia (Motive test): Na thunget na aza lo bangin, abengngawng aki neih hi. Tua hun lai tak na lungsim puak zia hong puahpha nuam hi. Sauvei pi na ngak kul hi.Na ngak zawh leh na upna hong khang ding hi. Gen teh na in Abraham ki sittel na en kik in. Kum 25 sung pial dek tak hi lo hiam? Tua hun pen Pasian dai om mahmah(a season of silence) hi.

2. Pasian kammal na nei hiam?(The word test): Would you be reliable on Him)Suddenly,disastrous will happen.Your own family will persecute you. Pasian kammal na neih teng bek in hong huh ding hi. Lai Siangtho pen sim cihtak in ka sim hi. kum khat in nih vei bang a banban in ka sim hi.Joseph in a haksak hun lai tak in, Pasian kammal hong tung a, tua kammal in amah sit in, khamuan na apia hi.Pasian kamciam bek in, nang hong huh zo bek ding hi.

Adam in kammal ciamteh loa hih man in, Eve thu amang hi. Billy Graham khual azin teh a zi in, at ate limtak kem in a pasal panpih hi. Oral Robert in, ka zi tawh ka ki ten ma in, ka zi in, nang tawh thaman ka pia ding hi a cih man in, hih zah in, gualzo ahihi. Zi zong ma sa ken la, Pasian in bang hong sem sak nuam hiam cih zong ma sa in. Sapna ngah lo zi na neih leh buai ding hi teh. Hih pen time test kawm in word test zong hi.

3. Na septheihna bangzah dong? (Ability test) hong pai ding hi. kei na sem nuam mah cin, mi khut nuai ah nasep ding na ki zo hiam? Elisha in, Eliajah Pasian mi pa silla na suak masa in, na inn kuan pih te sang in, tua zo masa in. Mitampi in, sila ki suak nuam lo hi. Kumtampi tak Elisha pen Elijah tung ah thuman tak in sila na sem hi. A hi zong in, A pu Elijah in thumvei tak ciah kik ding in na nial hi.

4. Silla bang in na sem hiam? (Servant test)na pu I haksat hun in nusia na hiam om pih na hiam? Elijah bang Pasian mi pa khut nuai ah na sep leh hong hawl ding uh hi. A cih bang bang na man kul ding hi. Pasian mi pa cih te pen ki gen khawl thei lo uh hi. Joshua zong Pasian in a tel ma in, Moses khut nuai ah thu mang tak in sem hi.

5. Gallak vak bang na hih hun (Wilderness test) hih hun pen ahaksa pen hun hi ding hi. Moses in kum40 sung gamlak ah Pasian in na sin hi. na sung a, leitung pen a ki lakkhiat khit na ding kum bangzah hiam khat hi ding hi. Hih gamlak sittel na in hong khukdin sak ding hi. Hih pen a thupi pen sittel na hi. Mikhempeuh in hong nusia ding hi. Thakhat in, nang bek na om ding a,thunget na longal bang mah na hih thei kei ding hi.

Hih sittelna te in, nang pen hong sapna ah na ki tuak takpi hiam cih na hi. Sapna cih teh ministry nei ding cih pahna hi lo hi. I mimal kim insapna I ngah hi. Zeetna gamlak ah hong paipih ding hi. Cikmah a, na thuak ngei lo, na tuah ngei lo, ze-et na na tuak ding hi. Pasian in bang na cih hiam cih thei nuam hi. Pasian mi pa in ahih leh hih ngaihsut na ka sung pan in pusuak khia in a ci ding hi. wilderness ah, the way of the Spirit theih zia ding hong ki pan ding hi.

6. Pasian in, kum thum bang maw, kum 10 bang hi tan a sep zawh. Kei hih teng ah ka sep na sauvei ta kei a ding bang ahiam? Ka zi ka ta nusia in hi pa a ding kasep pen? Nang bang zah lungduai (Patiance test) ki sin in, nang hun hong tung nai lo hi.Frustration time; Lungduai loh hun hong tung ding hi.

7. Thuakzawh hatna (Endurance test) Ngak zawh loh na tha te hong bei ding hi. Thuakzawh na om nawn lo hi. Tun na sep na sau vei ta ahih man in, gim lua in, na sa te bang na ding hi. Paul in 2 Coror11 ah han thotna pia hi. Si nuam zah in, na lungkiat hun ong tung ding hi. Pasian mi pa tung ah na lungkia lua ta ding hi. Nang hong ki sam nai lo hi. Pasian in, bang hang lungkiatna hong phal hiam? Tua pen hong sap na na muitun (refocus) kik ding deih hi.

8. Knowledge about spiritual warfare: Dawi mangpa in tawlngak hithiat hun nei ngei lo hi. Kha galdo zia nathu theihna kantel inla khang sak in. Na galvan neih te a hun zui in khan in.

9. Na vision (Vision test) ah ciah kik den in.Nehemiah in a ngah vision mah pom tinten ahih man in a ki lang pang hun in, a khut lang khet ah gam hiam tawi kawm sa in a kulcian ding ma ban zom hi. Habakkuk 2: na vision gelh khia in. Vision pen naungek bang in ong suah khiat teh langpan na hong ki pan ding hi.

10. Kiphatsakna sittelna: Pasian in na hih theihna te hong sittel ciang in, a sang zaw ah na kah na ding ahihi. Bang teng hong sit hiam. Tua mun ah hong koih to leh na ki phasak diam? Na lung khauh diam? Hih kip hat sak na leh lung khauh nate om lo in, tua lapsang na mun na let siam ding hiam?

Abraham in Pasian deihna sang a ma ci leh sa deihna lian zaw ahih man in,Isacc hong zekai hi a ci hi. Amah Ishamel ngah khin ahih man in lungkim hi. Pasian in, Ishamel hi lo ding, Issac ding hi a ci hi. I ci leh isa asih kei leh Pasian in hong zang thei ngiat lo hi.

Thukhupna

Tua a hih man in, kong hanthawt nop ah,lungkiatna in gualzawh nading i gal a hi lam phawk ciat ni. A lungkia lo mi in a gualzo ding a hihi. A tawpdong in, Pasian sung a na koih na upna gal na do hiam? Na tai k idem na lampi tung ah na tawlnga hiam? Ahih kei leh na lampi pan in na pial khia khahiam? Na upna mei bang in a kuang suak hiam?cih te kisit in, Pasian in mimal ading ahong koihsaksa hong sapna tawh kizui in, kungdong ah I tai ding hi. Paunak 24:10 in, “ thu ginalote ah alungkia pahpah mite in miginalo ahihi.”

Dim Lun Zam
Laredo,TX 78045
P.S, Na Vision te tomkimcing in na at khiat nop leh, etteh pak theih ding:

Global Impact Prayer House

Vision: ” Standing in the gap 4 you” Ezekiel 22:30

Mission statement:

• Passion to seek God
• Passian to love people
• Passion to train and empower
• Passion to multiply