Lungdam kohna le maban pulakna
It le ngaih mipih te,
Akua mapeuh nong thunget sak na te uh hangin damna ngah ka hih manin thungetna hong dawng Pasian’ minthanna hi hen la, itna tawh tauna hong neihsak hong panpih akuama peuh tungah lungdamna kong pulak nuam hi.
Lungsim ki thutuak a i thum na te hangin Pasian in ‘hankhuk tung ding kim lai hong suakta sak a, itna leh hehpihna tampi hongpia hi’ (Late 103:4-5). Hihte khempeuh kam in ki pulak khin zolo a, ka nuntakna mahmah tawh ka pumpi a hat nai loh hangin damna thu teci pang dingin kong zin khia hi.
Hih bang geelna kawmkal ah nung kum in Sia numei te makaihna tawh Zomite kilap sang theih na dingin lunggulhna in gam pulam ah zin khiat ding khensatna sa aki nei ahi hi. Hih tungtawn in a lunglut teng: Rev. Nuam Khan Vung, Sianu Nawn Za Huai, leh Sianu Don Ngaih Vung tawh 11, May, 2015, Malaysia ah hong zin ka hi uh hi. Mai kha nipi nihna ciang inn lam zuat dingin ka geel uh hi.
Mai lam ah Topa minthan na dingin teci a pang zo kawikawi ding leh Zomi te nuntakna pan kipan in khantohna hong om theih na dingin
thungetna leh ngaihsut piakna te tawh ma nong panpih tek lai na ding un kong ngen uh hi.
Ama minthan na dingin Topan i nuntakna te hong zang kim tek ta hen!
Note tawh,
Dr. Cing Pum Neam (S/n Cingkok)
Women Director
Southern Tedim Baptist Convention
Tawmvei Malaysia
Dal says
Amen! Syama Cingkok damna ong ngah kik na hih manin Topa’ tungah lungdam hang. It is grace alone, faith alone, Jesus Christ alone, the Scripture alone that save us and it will be for the glory of God alone.