Lungdam kohna ~ Francis Khampi

Lungdam kohna ~ Francis Khampi

Pasian hongpiak ka tanu Teresa in cidamtak in 5th November 2014 ni 4:30pm hun in leitung mihingsuahna hongla hi. Ko unau sungah ka laizom ka naunu Cecilia Manngnu inzong Pasian thupha tawh 2nd November 2014 ni in Tapa hoih mahmah khat hongnei hi. Pasian dikna le hoihna pen ko unau tungah lian mahmah hi.

Pasian hongpiak a hihman in ka kipaak mahmah hi. A tawntung in tha hongpia bek thamlo a laizom sanggamte, ka innkuanpihte le ka sungh ka pute tungah lungdam mahmah hi.

Ka tanu, Teresa cidamtak in hong suak theihnang in thungetna tawh hongphawk tawntung ZCCM pan sanggam Catholic thuzui a kuamahciat tungah lungdamna kongko hi. Ka mipih lawm le gual le a diakdiak in ZCCM pan Pawlpi kem Sia Simon Paumuan le ZCCM Upa teng tungah zong lungdamna kongpualaak nuam hi.

Tuabekthamlo hih hun sung in hongbuaipih le sum le paai tawh tha hongpia, hongpanpih Dignity for Children Foundation pan ka naseppih te ka boss nu tungah zong lungdamna lianpi ka ko hi…. Mark 12:31

Pasian in kei tungah bangmah kicinna neilo himah tase leng kei tungah ‘Thupha’ hongpiak mah bangin ‘Nang le na innkuanpih te’ tungah zong thupha namcin hongpia kik ta hen. Lungdam thukkikna in kei kiangpan bangmah omlo a a hih zenzen hang in kei hong Siampa Pasian in hong khonkhong sakloding hi cih pen kei lametna le ka thungetna hi.

Nauetna van tuamtuam tampitak tawh itna honglak lawm le gual tungah lungdamna ka lungtang a tawngpan kongko hi. Hongphawk a kuamah ciat tungah ‘Lungdam mahmah’ hi. Francis Khampi