London khuasung aom vanzuakna khat meikanggawp leuleu

London khuasung aom vanzuakna khat meikanggawp leuleu

London khuasung vanzuakna aminthang mahmahkhat ahi Camden Lock Market kicihna munah tuni Monday zingsangtunglam in meikang cih AFP pan kiza hi. Meikuang pen huaisia mahmah, khauhmahmah ahih manin meiphelhding in Firefighter bekbek 70 bangin buaipihkhop mahmah uh cihi.

London Emergency Service te genkhiatna ah meiphelhding in meiphelh mawtaw Fire Engine bekbek 10 aphual ah kipaisakpah ci uhhi. Meikatna munpen Nightclub khat tawhzong kinai mahmah kici hi.

London Fire Brigade te’n Twitter tungah agelhkhiatna ah meikatna pen inndawl khatna, nihna, thumna leh inntungkhuh teng meikuanggawp ci uhhi.

Hih meikatna munpen Londoners khuasung mite bekthamlo, gamdangmi Tourists tezong apai mahmahna aminthang Market khat kici hi. Meikat akitheih ciangin Photo kizaihpah ngeingai in, Social Media tungah ki thehzakpah hi.

Joan Ribes akici kum 24 aphakhin meikatna agei panin amukha khat ii genna ah meikuang pen manlang mahmah hi ci’n Press Association te tungah genkhia hi. Meikuang pen huihlak ah lengzalzal liangin ageinai teng kilawh zatzat cihi.

Video: Huge Fire Breaks Out at Camden Markets in London – BREAKING NEWS

Hih meikatna ageinai tengah mipi te’n en ngeingai uh a, ahi zongin asungah Restaurants leh Kitchens khawngzong om ahih manin, apuakkham khatpeuh aomding ki patau mahmah cihi.

London Ambulance Service Spokeswoman khat ii genna ah meikatna munah Clinical Team Leader leh Hazardous Area Response Team tezong kipaisak cihi.

Related: London khuasung meikatna hangin mi 12 sikhin, zato ah mi 78 kikhoilai

Hih thuthang akigelhhun ciangciang asi aliam bangmah zakbehna omnailo a, zato ahzong akipuak kuamah omnailo cihi.

London khuasung ah abeisa in meikang pen kilimzak ngeikhollo himahleh tunai meikangvai hongkinawh simpian hi. Sawltak #zomidaily