Malaysia, Kuala Lumpur khuasung ah Tour Bus khat kibung, mi 37 liam

Malaysia, Kuala Lumpur khuasung ah Tour Bus khat kibung, mi 37 liam

Malaysia gamsung Kuala Lumpur – Seremban Expressway lamzikpi tungah tuni Monday (12 September) ni in Tour Bus khat tuahsia a, mi 37 liam cihthu theStar pan kizasawn hi.

Hih Tour Bus tuahsiat hunpen zingsang 10am hunpawl hi a, Kuala Lumpur – Seremban Expressway km5.8 mun ah aki lumlet ahihi. Bus tungah atuang Passengers mi 44 hi a, tualak ah mi 37 aliam uh ahihi.

Fire and Rescue Department panin thunei khat ii genkhiatna ah hih Tour Bus pen atuahsiat laitak in Ampang panin Puchong lam zuanin atailaitak ci uhhi.

Atuahsia Passengers pen tammahmah ahih manin Kuala Lumpur Hospital, UKM Hospital (Universiti Kebangsaan Malaysia Hospital) leh Serdang Hospital cihbang in Hospital mun 3 te ah puak kawikawi uhhi.

Fire and Rescue Team tezong munthum pan hong kuankhia uh a, Sungai Besi, Taman Desa, Bukit Jalil cih Fire and Rescue Stations panin azakphet un deihpah ngeingai uh cih kiza hi.

Police thunei te in bangci bangin Accident pianghiam cih akancian laitak uh cihthu kiza hi.

Nunglamdiak mahmah inzong Genting Highlands lamah Bus nihveitak kibung a, asi aliam pawlkhat omngei khin hi. ZD Sawltak #zomidaily