Tulaai Leitung Thuthang Tuamtuam Updates (Nov 28)

Tulaai Leitung Thuthang Tuamtuam Updates (Nov 28)

Pope leh Pi Suut Cing Kimu
Pope Francis leh Pi Suut Cing te naikhat kiimding November 28, 2017 ni in kimukhawm uha, Pope in kilemnading, thunget hahkatkhop nading leh Khangno te mailamding cih gen a mitampi in alungluut mahmah Rohingya vaai genlo citciat hi. Pi Suut Cing in bel Kamakaihna kumpi sung ah thuhamsa mahmah nih kaphuullaai tak uh hi a tua te in Mualmi te tawh kilemna leh Rakhaing gam buaina ahihi ci in gen hi.RFA

North Korea in Thuapi lawnkhia ta

Kihtaak cih aneingiato North Korea Leikha Maangpi Kim Jong Un in November 28, 2017 ni in tai-620 bang atuthei Thautang khat lawn uha, Japan tuipi sung ah kia hi ci in Pentagon Gaalphualpi te in taangkokhia uhhi. Japan ten bel kaleitang tung uh ongkantan kei ci uha, hih thautang peen Japan tuipi tung atutdong minute 50 sawt ci in gen uhhi.

Hih thautang vanlaai ah aomlaaitak in US President Trump in zong thei a “we will take care of it” ciphau pong hi. South Korea inbel amau le amau in gaalkaap dan kisin in gaaldo ding in kigingkhinpah uhhi.President Trump in nidang a agendan azuau ahihkei leh bel US in akappah ding hiven tudong kikaapmnailo sam hi. BBC

Sen gam gaalkaap Maangpi khat gui awk

Sen gam gaakpaa Mangpi khat ahi General Zhang Yaang a inn ah November 23 ni in amah leh amah nakikhailum a sisa in kimu hi ci in China gam Media minthangkhat ahi Xinhua thukizakna te in November 28, 2017 niin taangkokhia hi. Hih Gaalkaap mangpa banghang in kikhai lum dihdih hiam cihthu Sen gam buppi leh Leitung in lunghimawh mahmah uhhi. Reuter

Prince Harry leh Megan Markle

Zanni mah a Zuthawl kipia Prince Harry leh US kineihsiam Megan Markle te peen ongtungding 2018 May kha ciang kiteenna taktak bawlding uha, Kiteena abawlkhit phet un US gammi kineihsiam Megan peen UK gammi ka suakpahding ci in November 28, 2017 ni in Megan in genkhia hi.BBC

Ivanka Trump India ah

President Donald Trump i Tanu leh Advisor ahi Ivanka Trump peen November 28-30 sung India gam hyderabad Khuapi ah Leitungbup Sum le paai zon nasepna tawh kisai thukikupna kahding cihthu azakphet un Hyderbad Khuapi sung thunei ten RS 60 million bei in bawl a Lampi te thupi tak in zeem uh ahihman in Khuanu khuapa ten Ivanka Trump aw ongzin pahpah in ci in social Media ah awng ngeingai uhhi.BBC Thang Khawm Pau