Tulaai Leitung thuthang tuamtuam te Updates (Oct 02)
Las Vegas ah kikapna
USA gam sung ah gualnopna anasiatpeenna mun ahi Paktatna Khuapi ah Las Vegas Khuapi sung a om Mandalay Bay Hotel sung dawl-32 na ah Gualnuam tak concert bawl in Lasiam Jason Aldean in atawpnapeen la sa in asokeeilaai tak un migilo khat in October 1,2017 ni thautawh bankaap a mi 50 vaal si in 200 vaal liam ci in Palik Bu Joe Lombardo in genkhia hi.Thunei te in mikappa kaplum pah uha tuamun a tengte hi in amin gennuam nailo ci uhhi.Hih kikaapna apianhun peen 10:08 pawl hi a mipi 40,000 atawnziahziah laaitak ahihi.CBS News
Kim Jong-nam sihna
Nort Korea Leikhamaangpi I a U Kim Jong-nam sihna hang a GU amuk ah taat a upmawh Veitnam Numei Doan Thi Huong kum 29 leh Indonesia gammi Siti Aisyah kum 25 te October 1,2017 ni in thukhenzum ah thusitna kinei a kamawhkei uhhi ci in dawng uhhi. TV a ding mi ciamnuih a North Korea Agent te ongsawl hi ci uhhi. Azenzen in mawhna uh akimuhleh thahthuak ding uh ci hi.BBC News
US Gaal Vaanleeng kia
USA gam Tennessee State Tellico Plain ah US Navy te gaalvanleeng T-45 Goshawk namte khat Bomb pua kawm traning abawl laaitak October 1,2017 ni kia a asi aliam bangzah kitel naailo hi cin Mississippi base CBS News
Egypt gam Kawlgam Palaaizum ah bomb puak
Egypt gam Cairo khuapi a om Kawlgam Palaizumpi mai ah September 29 ni in bomb neukhat puakkham ah asi aliam nasialua omlo sam hi. Kawlgam a Muslim te nabawlsiatna uh kongthuhna uhhi ci in Egypt gam a migikilo kipawlna Hasm te in taangkokhia uhhi. VOA News
Rohingya te $75million kisam
Rakhaing gam a Rohigya te akibulpat kik nading in akisap neek le dawn silh lw teen $75miilion man kisam pha mahmah hi ci in Leitung Neek le dawn kipawlna WFP ten October 1,2017 ni in taangkokhia uhhi.VOA
Rohingya vaai Bangladesh leh US te kikum ding
Kawlgam pan gaaltaai Rohingya te koicihding cihthu ongtungding October 3,2017 pan Washington DC ah US leh Bangladesh Ulian te in asiatak in kikupna neiding uhhi.Tua ban ah Hih Rohingya cimawh te peen US in $32 million man neek leh dawn piading a $28m man Bangladesh lam pia in $4m man kawlgam lam ate piading in geelna om ci uhhi.VOA
Facebook CEO Mark Zuckerberg Congress ah
US gam kiteelpi 2016 kum sung asubuai ding a Russia te nasepna ads leh account 3,000 vaal October 2,2017 ni in Facebook company in US Congress ah pholaakkhia tading ci in Facebook CEO Mark in genkhia hi. FOX NEWS
Canada ah Misok te
Canada gam Edmonton khua ah Somali gam pan Refugee a tung pasal khat in October 1,2017 ni Palik khat tentawh adawtkhit ciang Uhual mawtaw tawh mipilak ah taaigawp a palik ten ahunlap in mankhia man uhhi. Hih mihilo pa i mawtaw sung ah IS te i diakkhai khat om ci in palik ten gen uhhi.Piantit gam ah zong hibang mah in Numei nih misok te dawtlum uhhi.FOX NEWS
Related: France gamsung High School khat ah thau kikapna piang, mi 2 liam cih kizaphot
President Trump in Kim Jong Un phinkik leuleu
US President Donald Trump in Secretary Of State Rex Tillerson kiang ah Rex aw Nort Korea tawh kamkumding kithawi vetse ken nakamkhamding a huihbei maimai hi.Isep ding peuh sem Rocket man belbal nuaitumsukding kaci hi ci in October 1,2017 ni im genkhia hi. FOX NEWS Thang Khawm Pau
Comment piaknop aomleh...