Lawhcinna lianpi sungah

Lawhcinna lianpi sungah

Na te na muhdan, mi te na muhdan in na nuntakna sungah kikhelna nisim in hong piangsak den a hihi. Sunglam kikhelna pen a masa pen kalmasa a hihi. Nang ii sepding pen ka deih ka ngah dinghi cih upna na neihding bek hi lel hi.

Na khat peuhpeuh sawt na ngaihsut semsem leh tua na ngaihsut thupen sia ta leh pha ta leh na nuntakna sungah hong tung ding hi. Na theih tawntung ding khat ah, ‘nang pen na kingaihsut pen mah na hihi’ cih thu a hihi.

Bang thu ngaihsut dingaa bang thute ngaihsun lo dingcih khensiam in. Kimuanna tawh nisim kampau inla nasem in. Na hunzatzia thupi ngaihsut mahmah in.

Mi hoih te leh mithupi te tawh kikholhkhop nading hanciam in. Deihna leh tupna kician nei in. Na khat peuhpeuh a hoihlam in muhtheih sawm in.

Lawpna pen na sungpan in hong kipan ding hi. Kimuanna nei in. Na septheihna maung ngam in. Na deihna lam manawh in kalsuan in. Suakta tak in lungngai inla semkhia in.

Kosiatna na tuahleh nuihmaina tawh thukkik in. Haksatna le lungdamtak in sangsiam inla lungsimcihtakna nei in. Mi gualzo leh a lawhcingte tawh kithuah in.

Mithupi khat a suakdingin ki bawlpha in. Nisim in ki bawlpha in. Mai kumthakciang na ci kei ding hi.

Na Vision

Kumpipa na ut lehzongh tua pen na vision hipah ziau hi. Kawlgam sungah a lianpen thukhenmang na ut aa politician minthang na ut nopleh zongh ut thei hi teh.

Company boss na ut leh zongh tua te pen na vision hiaa na kipat nading ahihi. Zingciang nasepding, tuzawh kum (5) thuding, na mailam saupi a’ding na ut penpen ngaihsun inla khensat in.

Na khamit tawh teltak in na deihna, na utdan na muhtheih dingkisam hi. Leitungah deihtheih leh a deihnop huai tampi om aa tua te sungpan in na telkhiat ding ahihi.

Piangzo ding maw, piangzoloding, hi theimaw hithei lo, cih te tawh tuat kei lo ding hihang. Na up leh na Upna bangin nang tungah hong piang ding hi. Book Ref: Baihlamtak a Nalianpi Sepna/ Siamsin Library