Malaysia, Langkawi ah Cable Car kisia in, mi 1126 awkcip

Malaysia, Langkawi ah Cable Car kisia in, mi 1126 awkcip

Malaysia, Langkawi aom SkyCab kici Cable Car kisia ahih manin, mi 1126 tak atungdawn Station te ah awkcip cih NST pan kiza hi. Hih Cable Car pen zanni Sunday nitaklam in akisia hi a, Passenger leh Staff akigawm in mi 1126 tak atung mualdawn te ah a awkcip uh ahihi.

SkyCab Service pen Panorama Langkawi Sdn Bhd (Panorama Langkawi) kici Company te ii vaihawmna tawh akibawl hi a, asan penpenna munah Sea Level panin 708m (2322 feet) tak asangto in akibawl ahihi.

Hih Cable Car pen zanni akisiatcil pen nitaklam 5:48pm hunpawl in akisia hi a, asiatna akibawl hunsungpen nai 5 valbang sawt cihi.

Video: All 1,126 passengers and staff of stranded Langkawi SkyCab safely rescued 

Cable Car pen akizatzat laitak in asiacip, a awkcip hi a, vandawn ah Cable Car tuanna 16 Gondola tezong awkcippah hi. Tua Gondola 16 te sungah akigawm in Passenger mi 88 atuang uh hi a, tuate vandawn ah kikhai lenglangsa in awkcip ahih manin, Fire and Rescue Department te’n nitaklam 9:50pm hunpawl in honkhia theipan uhhi.

Hih Cable Car pen Bearing System asia ci a, Technical Team te’n apuahkhit uhciangin nitaklam 11pm hunpawl ciangin mualdawn ah a awkcip mi 1126 te anuailam ah ki kumpihkik theipan cihi.

More: Hong Kong ah phalbi khuavot huihlak ah Cable Car tuanlaitak mi 210 awkcip

Hih Cable Car pen akipatkhiat 2002 kumpekpan hita a, akipatzawh hihzahliang in setsiatna, buaina omngei nailo cihi. Hih Langkawi aom Cable Car pen asanna Sea Level panin Pi 2322 bang asangto veva in akilam ahihi. Cable Car kiasuk hilo in, aset Bearing System kisia in, a awkcip ciangbek ahih manin phadawmlai hi. Sawltak #zomidaily