Lamka thupiang tawh kisai kikup nading sapna ~ Dr. Ngul Khan Pau

Dear Dr. Zambawi, Topa min tawh na khut kong len masa hi. GZA min tawh Lamka lam vai kikupna nong geel uh lungdamhuai leh khamuanhuai kasa hi. Na zaksa uh bangin tuni ciangah mihing 9 in hih buaina hangin hong nusia uh hi. Joint Action Committee kiphuan in amau tutung buaina vai a sai dingin Hmar Innpi, Kuki Innpi leh Zomi Council tangin kiseh hi. Amau makaipa tawh ka kihona uh panin ngaihsutna tam lo kong zasak nuam hi.

Tutung a Manipur Assembly in BILLS thum a passed uh pen a mei kipatna (ignition) bang hi a, a hang kazakna pan leh ka theihna panin tam lo kong koih hi.

1. Mipi tanga Makai kitelte’n a sep ding bang uh sem loin kumpi sum khantohna dingin hong kikhakte thelthangsak uh ahih manin lungkimlohna pen so litlit in a om sa hi. Tua hangin amau neihsa inn leh lo kihal tumsak hi. Khantoh nading sum leh pai ahi ding bangin na zat kei uh leh no zong nuam sa tuan lo ding cih lahna hi.

2. Meiteite’n singtangmi (khamtungmi) hong nopnehna leh amau khut kithuak toto ahih manin amau tawh tenkhop ding haksa kisa hi. Tua kawmkalah singtang mite gam leh khua leh tui ah amau zong a deih bangun mun leh mual nei thei ding thu hong gin ciangin a kipuak kham hi. Manipur gam mi hihna 1951 kum a ciamtehna neite bek hi ding cih thu in Naga, Kuki leh Zomite hong nawkkhapah hi. Bang hang hiam cih leh 1951 im Imphal bekah kumpi zum om a, singtang gamte a tua bangin kumpi lam panin ciamtehna kinei lo hi.

3. Meiteite’n kha nih sung “lungphona” a neihna uh ah, mi khat bek in a nuntakna tangloh hi. Palikte kap khak kici hi. Tutung buaina ah mi 9 kisi khinin 30 taang bang kiliam hi. Hih panin singtang mite’n lunglhona a kibawl leh palikte’n zong khut khahpah cihna hi. Hih hangin Manipur kumpoi nuaiah om nuam nawn loin “autonomous status” Govt of India tungah ngetna kipia khin zo hi.

4. Singtang mi minister leh MLAte amau tawpna lai (resignation) pia dingin ni 10 sung kipia hi. Tua ni sawm a cin ciangin a Manipur Kumpi nuai a minister leh MLA ahihna uh a tawp kei uh leh “social boycott” (tangpi in tuam koih) kinei ding a, tua zawh a thupiang peuhpeuh amau mawhpuakna hi ding cih thukhun kipia zo hi.

5. Manipur Kumpi in tua bill thumte dokkik (withdraw) leh zong a kikhawl ding hi nawn lo hi. Mi 9 sihyna pen gam leh kei ngahna kizang dingin geelna kinei hi. Tua bek hi loin tua a si salphate innkuanpihte’n kumpi tung panin sum leh pail amen kei ung, sum tawh hong khem sawm kei un, ka sisan luanna uh komau ki-uk theihna gam ka ngahna uh hi hen ci-in sum la nuam lo uh hi. 6. GZA in I hih theih ding pen thungetnas leh India embassy ah Manipur Hill people (Tribals) demands for “autonomous status” under the Govt of India a manlangin vaihawmpih un, cih leh sihna tuakte’ compensation kilawm piak ding cih India kumpi in hong vaihawm ding deihhuai hi.

Hih buaina panin Meitei tawh kikal ah buaina a pian loh ding zong kilunggulh hi. Naga, Kuki leh Zomite’n hih haksatna thuak khawm kha ahih manin kipum khatna hong piang bilbel hi. Tua kipumkhatna in na lianpi hong sepkhiat ding kilamen thung kingen hi. India kumpi in bang mah vai hong neihpih loin, ki=om leh misite “deep freezer” khawnga kikem hi loin hankuang sungah kikoih a, vuk khal khawng tawh kikem ahih manin sawtpi kingaksak zo lo ding hi. Tua ciang misite kivui leh kumpi tawh kikalah “bargaining” nading tha kinei lo ding hi. Bang hiam a kisam a om leh hong zasak un, ka hih theih bangin kong hanciam ding hi. Topa thupha. J.M. Ngul Khan Pau (Guwahati)