Kumpi Sang Sia/mate Tintan Kilimpiak

Kumpi sang sia/mate khal sangkhak sungin Khalkha, Falam le Tedim tengah Tintan nasiatakin kilim hilh mahmah uhi.

April 25 – May 5 sung teng kumpi lamte le UNICEF te kipawl khawmin Khalkha khuapi ah Zogam gamke kua (9) pan Sia/ma vekpi kigawm 206 bang kikah thei uhi. Tintan pia siate ahihleh Zangkong, Mandalay, Sagaing le Monywa panin kahto ngiat uha Child Friendly School (CFS) tawh kisai nasiatakin hilh ciatciat uhi.

April 25 – May 10 sung Tedim khuapi ah KG laihilh sang sia/ma vekpi 420 tawh Kindergarten (KG) Tintan nasiatakin kipia uhi. Hih Tintan sungah sang sia/ma te in naupangnote lai ahilh uh ciangin khutlekhe tawh ahizong lasak dan tawh ahizong ahilh dan ding uh akisinsak ahi hi.

May 13-22 nisungteng zong KG sang sia/mate Child Friendly School (CFS) tawh kisai le May 23-24 ni sung laitan guk (6) te Subject tawh kisai kikupnawina Middle School Teacher (MST) sia/ma tengin Tedim khuapi ah Tintan neikhawm uhi.

“Tutung pen kum dang hunte tawh kibanglo-in sangnaupangte lai ahizong thu ahizong ahilh dan ding zia, action lamna akipan la sakpih dan ding le lungduai taka lai hilh ding ziate hong lim hilh/piak mahmah uhi” ci-in sang sia Mamang in Zingsol tungah hong gen hi.
‪#‎Scr‬: Khawmnu/Mamang
Zingsol