Kum 627 sung nalamdang a bawl khin Sisan Siangtho, 2017 ading in tuisuak theilo ~ Jerome Khailek

Kum 627 sung nalamdang a bawl khin Sisan Siangtho, 2017 ading in tuisuak theilo ~ Jerome Khailek

Behiang kum, 2016 sungah thu hoih lo tampi piang khin in na cimtak nai na, 2017 sungah tua sang in a suk zaw thei ding hi. Ki ging khol in!

Nung nino ni (Saturday) a, Italy gam, Naples khua a ki bawl pawi khat ah, Saint Januarius ii sisan siangtho keu pen tui suak thei lo hi ci’n Italy te ii newspaper Stampa in hong report hi. A cih nop na ah 2017 pen thu hoih lo piang ding cih nop na ahi hi.

Parish Topa, Monsignor Vincenzo De Gregorio, in “tuahsiatna leh kaamsiatna te ngaih sun in lau ding hilo a, ei pen thu um mi ii hih mah bang in, thungetna sungah ii ki ap ding thupi hi” ci in gen hi.

Saint Januarius(San Gennaro) ii vanlian sisan siangtho pawi pen kum khat in tam vei ki bawl hi. Pawi bawl hun sung in ama si siangtho pen maanhai sung ah atui sa in ki koih hi.

Hih dan in ama sisan siangtho pan nalamdang apiang theih na pawi pen kum 1389 peek pan a, kum sim a ki bawl ahi hi. San Gennaro pen kumzalom(Century) 3 lai a Naples gamke khat ii Bishop khat hi in, Roman Emperor Diocletian kumpi pa hun lai in Christians thu um mi te 3500 bang a lom thah lai in a mah zong a pa kha ahi hi.

Tua dan in a sisan siangtho pen a tui suah theih kei leh, mai lam ah hong pai ding hun te ah a kum, a kha in buaina tuam tuam leh haksatna tuam tuam te piang thei hi.

1939 kum lai in zong a sisan siangtho pen tui suk thei lo in, tua kum mah in Leitung bup galpi nihna(World War II) piang hi, 1980 in zong khat vei piang in Irpinia ah nasia tak in zinglingna(Irpinia Earthquake) piang hi ci in Stampa in report hi.

More: China te’n US te tuinuai Drone matsak

Kum 2016 pen bel vaisah khin mah mah hi. US leh UK ah political vai in buai na tampi piang khin a, Syria gamsung ah zong galpi piang in, Aleppo khua bang gal hang in a bei dek tak zo hi. Lailek, Jerome Khai Lek Source: Business Insider