Kammal kilawm pawlkhat (azom 06 Jan 2015)

Kammal kilawm pawlkhat (azom 06 Jan 2015)

I dinmun niam i sak luat leh, ei sanga niamzaw lai dinmunte tawh kitehkaak zel in, zawng i kisak luat leh, ei sanga zawng zawte tawh ki
tehkak zel ni. I san’ pah loh, i hauh pah loh hangin, tua in hong thahatsak tuam ding hi.

Hong mudah in, hong simmawhte leh hong langpan’pante it-in amau’ tungah lungdam kohkoh ding hi gige hi. Bang hang hiam cih leh amaute hang mahin thupha pawlkhat a kingah na hi gige hi.

A lutlut a om mah bangin a paikhia khia a om ding kisam hi. Lutlut napi-in a paikhia a om kei leh dahhuai/lauhuai mahmah ding hi.

I nopsakpen hun leh i haksatpen hun laitak mahin, Pasian tawh maan takin kizopna pen, a dik taktak Tapidaw(Christian) nuntakna ahi hi.

Na lampi hoih maw, hoih lo, na lampi nuam maw, nuam lo cih pen a thupi hi masa lo a, na pai nopna mun na tun zawh/theih nading hanciamna leh lungkiat lohna neih ding a thupipen hizaw hi.

Na mel hoih manin hong ngai atam
ding sangin, na lungsim hoih manin
hong it atam ding thupi zaw hi. (Na mel hoih in, na lungsim ahoih
lai leh bel nasia lua ding).

Gah khempeuh a lim hilo a, a cidam kung tung pana hong gah khiate bekmah, limin gil vahsakzo bek hi.

Pasian’ adingin na nuntak sawm nak leh Satan’ adingin na nungta ngam nawn kei ding hi.

Mi khat, piangthak taktak maw, piangthak taktak lo cih na theih nop leh, dot gawp zong kul loin, a gamtat luhek zia leh a kampau ziate en leteh ki thei pian pah lel hi.

Khazih sungah,
David Tuang