Indonesia gamsung ah kum 2 bekbek aphapan pasalno khatin nikhatin za tawn 40 teep, Coffee zong dawn

Indonesia gamsung ah kum 2 bekbek aphapan pasalno khatin nikhatin za tawn 40 teep, Coffee zong dawn

Indonesia gamsung ah kum 2 bekbek aphapan pasalno khatin nikhatin Cigarette za tawn 40 bang teepden cih thuthang kiza a, lamdang kisa mahmah hi. Tua naupangno pen za ateep banah Coffee zong duhmahmah cisawnsawn hi.

Hih thupiang pen Indonesia, Sukabumi khuasung ah thupiang ahihi. Naupangno ii anupen Market ah vanzuak khat ahihi. Atapa pen vanzuak in apai ciangin zuithei zelzel a, asaigeinai ah akipai zatum te teeptheizel in, tuapanin zateep akipan cihi.

Indonesia Local Media te genkhiatna ah tua naupangno in tuabangin za ateepgawp pen khanih valkhinta ci uhhi. Anu inzong atapa pen zateep zongsang khinta ahih manin, nisim in zateepding kaleisak kulden cihi. Zateepding ki leisak keileh hehgawp, kitomgawp thei cisawnsawn hi.

Tua naupangno in za ateep ciangin akumtawh kituaklo in Coffee zong dawnkawmnuam cisawnsawn hi. Alupma inzong za tawnnih bang ateep khitciangin ihmutheipan cimawk hi. Coffee zong Caffeine tampi kihel ahih manin naupang adingin hoihhetlo hi.

Hih naupangno ii apa zong zateep khatmah hi a, ahi zongin atapa zahinzong za teeplo hi. Khatvei sunsun nasepna ah ateepzeuh cihbangbek hi in, tuabangin ateepden hilo hi.

Tua ahih manin atapa uhpen zateep akikheltheih nadingin asawtlo in Rehabilitation Center ah puakding geelna neikhin uh a, tuamun ah zateep khawlsakthei, ngawlsak theiding in lamen uhhi.

Video: The boy, identified as Rap, was said to have picked up the dangerous habit after picking up cigarette butts off the street. When denied cigarettes, he threw tantrums until his parents eventually gave in. He’s been puffing for about a month and a half now, local media reported

https://www.youtube.com/watch?v=fMqf8vsGNcw

Indonesia gamsung ah zateep tammahmah in, zateep bekbek mi 60 Million Smokers bang phading kiciliang hi. Tuahang in leitung ah zateep atampenpen gamkhat inzong ki ciamtehpah hi.

Hihbangin zateep atamluatna pen Cigarette tawmmanlua in, mizawng daipaam te nangawn in zateep leizo, teepzo uh ahih manin naupangno nangawn in za ateep uh ahihi ci’n zateep hoih asalo akhamcip Anti-tobacco Activist khatin genkhia hi.

University of Indonesia paninzong zateep tawh kisai in hoihtak kancianna kinei a, adiakdiak in naupangno zateep tepen akhuak susia mahmah, apumpizong zawngkhalsak hi ci’n pulakkhia uhhi.

More: Zatep meikhu gimnam pen anu gilsung aom naungek te’n thuaklah mahmah

Hih naupangno ii zateep pen leitung Media te’n lamdangsa in apulak ngeingai uh ahihi. Zogam ahzong naupangno zateep, zudawn, sahdah, kunza, kunpong, khaini azang tammahmah khading hi. Tuabangte hoihlo hi cih naupangte’n atheihcian nadingin thuhilhna Awareness Program tampipi aki neihzawhding lunggulhhuai mahmah hi. Sawltak #zomidaily