Malaysia, Kuching aom ansai khatah thau kikapna piang, mi 3 liam

Malaysia, Kuching aom ansai khatah thau kikapna piang, mi 3 liam

Malaysia, Kuching City Mall Commer­cial Centre aom ansai “Restaurant” khatah thau kikapna piangin mi 3 liam cih theStar pan kiza hi. Hihvai tawh kisai in palik thunei ahi Sarawak CID chief Datuk Dev Kumar in agenna ah thautawh akappen pasal khatguak cihi.

Zanni zankimlam in Shotgun thau khattawh Restaurant sungteng akap khitciangin Proton Waja mawtaw khattawh taikhia vingveng cihi.

Tua thautawh akikapliam mi 3 tepen akikap laitak in amaupen tui dawnkhawm in aom uh ahihi. Aliam te lakah kum 47 aphakhin khatpa pen agil leh akhe ah thautawh kikapliam kha hi.

Adang aliam khatpa pen kum 30 aphakhin khat hi a, aveilam akhe liam in, adang aliam khatpa pen kum 42 aphakhin khat hi a, akhe taklam ki kapliamkha hi. Hih aki kapliam 3 tepen mawtaw zuakvai tawh kisai in Salesman leh Car Repossessor asemte ahi uhhi.

Aliam mi 3 tepen lawmta hi uh a, aliamma te kibawlding in Sarawak General Hospital ah kipuakpah uhhi. Palik te’n akankhiatna ah tua aliam mi 3 teleh thaukappa pen tuama in kitawngkha, ki kamnialna omkha ci uhhi.

Video: Three men injured in restaurant shooting incident

Thautawipa in aomna Worker’s Hostel ah alawmngaihnu tawh kitelkhial in, buaina abawlsawm ciangin Hostel Supervisor leh aliam mi 3 te’n buaina abawlloh nadingin khaam uhhi. Tuahangin alungkimlo in, Restaurant ah atut laitak un thautawh agalkap kici hi.

Police te’n hih thau kikapna pen migilo “Gang-related” hilo ahih manin, khuasung mipi te kuamah lunghimawhlo in, daitak in na om un, na lungnuam un ci’n genkhia hi.

More: Malaysia, Kajang vengsung ah thau kikapna piang, mi 2 liam

Police te’n tua thautawh mi akapliampa mattheih nadingin azonsan laitak uh hi a, athu atheikha aomleh amanlang in anaipen Police Station khatpeuh ah hong zasak un ci’n palik te’n zaksakna nei uhhi. Sawltak #zomidaily