Kuala Lumpur, Jalan Ipoh aom mawtaw sungah gulkhat kivial venvan

Kuala Lumpur, Jalan Ipoh aom mawtaw sungah gulkhat kivial venvan

Malaysia, Kuala Lumpur, Jalan Ipoh sung aom innkhatah mawtaw akikoih pen asung ahawlpa tutna ah gul golpikhat naki vialvenvan cihi. Nungkalsung in Jalan Ipoh, Kampung Kasipillay sungah thupiang ahihi.

Kum 56 aphakhin Retiree khatin agenna ah ka tapa pen nasep kuanding in akithawi, apaikhiatsawm hi a, ahi zongin mawtaw ahawlte tutna munah gul golpikhat nakuan venvan cihi.

Tuaciang in Civil Defence Force te ka zasakpah uh cihi. Ahi zongin Civil Defence Force tepen ahunlap in tunglo in, nainih dektak khitciangin tungpanmawk uh ahih manin, lungkiat huai mahmah hi ci’n genkhia hi.

Civil Defence Force te kasap laitak in thuneipen khatin ka omna Address leh Details teng hongngen a, amanlan in Civil Defence Force te hong paisakding hi ung ci’n honggen cihi. Ahi zongin nainih bang ziakaimawk uh a, tuakhit ciangin hongtunpan uh cihi.

Kamphatna tawh tua gulpi pen Driver Seat tungah akivial hi in, ki mupahthei bilbel ahih manin, phadawmlai hi. Azenzen in tutna anuai khawngah aom hi’n katapa in theilo, mulo in mawtawsung lutkha hileh, mawtaw ahawl laitak in katapa pen nawngkaisakding a, lauhuai mahmahthei khading hi ci’n genbeh hi.

Tua nupinu genna ah hih gulpi pen bangci bangin mawtaw sungah lutthei hidinghiam ka ngaihsun theikei uhhi. Ahi zongin mawtaw sungah aompen sawtkhin khading hi, banghanghiam cihleh hih mawtaw pen Weekend sung kizanglo in akikoihcip ahihi cihi.

Civil Defence Force tepen zingsang 8:10am hunin kasap uh hi a, ahi zongin 10am hun ciangin hongtungpan uhhi. Ka tapa zong nasep ahunlap in kuantheilo ahih manin, anasepna te kiangah hong ziakaining ci’n azaksak hi a, ahi zongin Civil Defence Force te ahunlap in hongtunglo ahih manin, sunlang khuan ngetkul mawk cihi.

Civil Defence Force te tuazah in aziakaiding theikhol hileng, Fire and Rescue Department te samzaw mahding hiveng ci’n genkhia hi.

Hihvai tawh kisai in Civil Defence Force panin Spokesman khatin ziakaina hangin kongthuum uhhi ci’n genkhia hi. Zingsang Traffic Issues tuamtuam hangin ahunlap in ki tungtheilo hi. Tua kawmkal ah Batu Caves ahzong adang gulkhat matding hongki zasak in, tuamun ah kipai masa ahih manin, aki ziakai hi ci’n genkhia uhhi.

More: Bangkok ah numei khatin dailenbuk azat laitak gul in anuaipan tuto

Civil Defence Force ah nisim in gulmatding hongki zasak pen 5 panin 10 bang omden hi ci’n Spokesman pa’n genkhia hi. Nisim in gul matding 5 panin 10 veibang kizasakden himawkleh amaukianglo, Fire and Rescue Department te kiangahzong akizasak pawlkhat omlaiding. Khuapisung dingbuangin gul atamlai mahmah himawkding hi. Sawltak #zomidaily