Kuala Lumpur khuasung ah mawtaw nih kiphukha, University sangnaupang khat si

Kuala Lumpur khuasung ah mawtaw nih kiphukha, University sangnaupang khat si

Malaysia, Kuala Lumpur khuasung Jalan Tun Razak lampi tungah zanni zingsanglam in mawtaw nih kiphukha a, University sangnaupang khatin aphual ah sihlawh cih theStar pan kiza hi. Tua akiphukha mawtaw nihte pen BMW khatleh Perodua Myvi mawtaw te khat hi a, BMW mawtaw ahawlpen in lampi khialin hawl ahih manin, Perodua Myvi mawtaw ataih ahihi.

Lampi akhiallo Perodua Myvi mawtaw hawlpa in aphual ah sihlawh sawnsawn hi. Tuapa pen amin Ahmad Alrefaee kicikhat hi a, kum 21 bek phapan hi. Bandar Mahkota Cheras vengsung ateengkhat cihzong kiza hi. Firefighters ulian te genna ah zingsang 2:06am hunin huhngetna Distress Call hongkisam a, hongki sapzawh mawtaw kiphutkhakna National Library gei ah Minute 6 khitciang in katungpah uh cihi.

City Traffic Investigation and Legal Affairs pan ulian khat ii genna ah BMW mawtaw hawlpen in KLCC Tunnel panin hong paikhiat ciangin lampi atotzawkding tawnkhalo cihi.

Lampi alehlam in tawnkhial himahleh tuabang in hongtaisuaksuak in, Jalan Tun Razak lampitung aom National Library gei atung ciangin Perodua Myvi mawtaw khattawh aki phukha cihi.

Perodua Myvi Driver papen aphual ah sipah a, BMW Driver pa ahihleh liamngawhlua khollo hi. Perodua Myvi mawtaw tungah ahawlpa bek atuang hi a, BMW tungah adang Passenger mi 4 atuang ahihi. Tua 4 te lakah khatbek liam in adangte bangmah cilo hi.

BMW mawtaw hawlpen numei kum 23 aphapan khat hi a, amahzong sangnaupang khatmah ahihi. Thunei te’n zukhamsa in ahawl ahidiam ci’n azun leh si “Urine & Blood Test” abawl uh hangin, bangmah zatneilo cihi.

Hih tuahsiatna ngei ah CCTV omlo citciat a, ahi zongin thunei te’n “Reckless Driving” ci’n awlmawh neilo in mawtaw pumhawlgawp ahih manin, thubawlding uh cih kiza hi. ZD Sawltak #zomidaily