Kuala Lumpur, Jalan Duta gei ah Accident piangin Motoryclist khat sipah

Kuala Lumpur, Jalan Duta gei ah Accident piangin Motoryclist khat sipah

Malaysia, Kuala Lumpur khuasung Jalan Duta kici Immigration zumpi geinai ah tuzingsang in Accident piangin Motorcycle atuang “Motorcyclist” khat sipah cih NST pan kiza hi.

Jalan Duta gei, Duke Highway KM2.9 tungah atuahsia hi a, Excavator mawtaw khat ii anunglam tawh Motorcyle kinawkkha in asihlawh ahihi.

City Traffic Enforcement Investigation Department chief Assistant Commissioner Nadzri Hussain ii genkhiatna ah asipa Motorcyclist pen kum 26 aphakhin Nur Asrul Nur akici minnei khat cihi.

Nur Asrul Nur pen Taman Sri Gombak vengsung ah ateengkhat ahihi. Gombak panin Jalan Duta zuanin apailaitak atuahsia ahihi.

Thunei te genna ah zingsang 10:30am hunin atuahsia ci a, Duke Highway lamzikpi ii alaizang Middle Lane tawnin Motorcyle tawh atai laitak, veilam lamzik manpheiding in akithawileh Excavator mawtaw ii anunglam tawh kinawkkha in atuksuk cihi.

Alu liamgawp in si luanggawp ahih manin aliamma tawh aphual mahah sipah hi. Excavator Driver pazong thusitna thuakding in Jalan Tun HS Lee Traffic Police Station ah kipaipih hi.

Related: Motorcycle tailaikhat in mawtaw khat tuanphei in Accident pianggawp

Nur Asrul Nur ii luanghawm ahihleh Postmortem bawlding in Kuala Lumpur Hospital ah kipuak cih kiza hi. Sawltak #zomidaily