Kawlgam ah KBZ Bank pan sumguksawm khat kiman

Kawlgam ah KBZ Bank pan sumguksawm khat kiman

Kawlgam Magwe Division aom Kanbawza (KBZ) Bank pan sum aguksawm pasal khat kiman cih Tuesday ni in Irrawaddy News pan kiza hi.

Kawlgam Newspapaer ah asuahsakna ah tuapa minpen Myo Satt kici a, Dailenbuk sungah mei ahalkhit ciangin Bank sungah lut in Counter khatpan sum aguksawm ahihi.

Nitaklam 1pm pawl in thupiang hi a, tua khuasung aom palik te’n CCTV panin a enciat khit uh ciangin tua sumguk sawmpa gamtatna teng mukhia uhhi.

Dailenbuk sungah mei akatsak laitak in Bank nasem te tualam ah alungsim uh aomlaitak Bank Counter khatpan in sum agu hi a, hih gutapa khuakzong neulo veve hi. Ahi zongin ataikhiatma in kithei veve a, Bank sung panin sum ipkhat tawh ataikhiatma in kiman kikzo hi.

Kanbawza (KBZ) Bank nasem te upmawhna ah hihpa pen khuadang pan hongpai hikhading ci uh a, hihbang in agamtat nading in gelkholhna nei khinkhian hiding cihzong genkhia uhhi. ZD Sawltak #zomidaily