Kua amet zeldiam? ~ Pu Thangboi

Kua amet zeldiam? ~ Pu Thangboi

Mikang khutsung pan suahtakna ding ahanciam kawlte’ kipawlna lak ah athahat leh alian mahmah BCP te’n suahtakna ngah khit teh kumpi do ong kipan uh hi. Sen in 100% huh ahih man in hat mahmah uh hi. Yangon bang ah vanleng tawh angim atupnate uh laitawh khiat ziahziah zo uh hi. Mualmi pawlkhat in zong panpih hi.

Atawpna teh Wa te’ khut sung tung in Wa te’n metlawh mahmah hi. Thahat lawh mahmah uh a tu’n kawl galkapte’ khoih ngamloh zah dinmun hong tung uh hi.

1962 kum Newin in thuneihna hong buluah tak teh tualaitak a mipi’ kumpi U Nu te makai in thautawi ong kipan leuleu uh hi. Zomite dong hong lawhzo hi. Kidiang phengphangh hi. Atawpna teh Karen te’ thahatna ding hong suak ziau hi.

1988 kum sangnaupangte’ makaih gambup buaina hong nasia mahmah hi. Kawl galkap te’n tu a dan mah in cikzialo tak in that ziahziah uh hi. Sangnaupangte zong thangpaai Lua in thautawi lampi mah hong tawn uh hi. Galkap tul tampi phaman uh a Ong thahat man mahmah uh hi. Atawpna teh sanggam Kachin te’ thahatna ding Hong suak hi.

Ahang Bulpi 2

1. Kawlte pil uh ahih man in ei namneute khemnop hongsa mahmah uh hi. Akido takpi ding uh ihsa kha pahpah hi. Cik mah in kawl leh Kawl nakpi a kikapna om ngeilo hi. Akilawmsakna ciang in tawmtawm kikap ngei bek uh hi.

2. Akimkot vuah ei mualmi te’n kimkot ih hih man in thautawi in gam khat peuh tawh direct a akizopna ding uh haksa hi. Mualmite mah Hong dapphah uh kulden hi. Tua hang a amau’ thansanna teng damdam a Wa, Karen leh Kachin te’ khut sung atung ahi hi.

Tutung zong kua amet zel diam? Mung Laan Thang (Tawmvei, Yangon)