South Korea gamsung ah Malaysia gammi illegal in 5000 bang om

South Korea gamsung ah Malaysia gammi illegal in 5000 bang om

South Korea gamsung ah naseptheih nadingin phalna Work Permit kician aneilo, illegal in aomcip Malaysian gammi 5000 valbang omding cih theStar te’n pulakkhia uhhi. Tua lakah pawlkhat pen cimawh mahmah uh a, Refugee te bangmah in kumpi thunei te matding alau in ataikawikawi pawlkhat om uh cihi.

Malaysia gammi tuabangin South Korea ah atungte pen nasemding in apai vive hizaw uhhi. Puaisa (Agent) te sumtampi pia in, South Korea gamsung ah Tourist Visa tawh lut uh a, agamsung atun uhciangin Work Permit kician neilo in nasem in a awkcip uh kici hi.

Aphual atun taktak uhciangin Agent te ii genbangdan nahisamlo in, nasep hamsa, summuhna hamsa in cimawh tampi om uhhi. Tuabangin South Korea gamsung ah cimawh dongtuak in a awkcip te akanding in “Star Media Group’s Bahasa Malaysia news portal mStar Online” te’n pawlkhat paisak uhhi.

Volunteer Aid Workers, Recruitment Agent leh Malaysian pawlkhat te genna ah South Korea gamsung ah akigawm in Malaysia gammi 5000 bang omding cih mukhia uhhi.

Korea Herald te genkhiatna ah South Korea gambup ah gamdangmi illegal foreign workers akigawm in 251,000 bang omding ci uhhi.

Tua Malaysia gammi cimawh in a awkcip tepen nasepna panin kikhawlsak cihpian vive ahihi. Pawlkhatpen nasep aki khawlsakkhit ciangin omnading akicianzong neilo in, Seoul Central Mosque khawngah giakin om uhhi. Inn saapzolo ahih manun avanneih te uh Mosque kiukhawng ah koihziau uh cihi. Nekdingzong neilo in, Biscuit khawngpeuh ne in anungta uh cihi.

Pawlkhat tepen lothaangsan, arlu (Onion, Potato) kiciinna losung khawngah nasemin, pawlkhat te omnading neizolo, ekbukmai leh anhuanbuk sualtungkhawng ah lum uh cihi.

More: North Korea galkapkhat ataisim laitak thautawh kikap, Video ki khahkhia

Malaysia gamsung ah aciahkiknop uhhangin aciahkik zonawnlo, aciahkik theinawnlo, illegal in a awkcip pawlkhat om cimawk hi. Malaysia gamsung ah Refugee atam mahmah bangmahin, amau Malaysia gammi tezong South Korea gamsungah Refugee dinmun, illegal workers dinmuntawh mi 5000 bang aom nahimawk hi. Sawltak #zomidaily