Malaysia KLIA vanlengtual ah khualzinmi tamlua in ziakai mahmah

Malaysia KLIA vanlengtual ah khualzinmi tamlua in ziakai mahmah

Malaysia, Kuala Lumpur International Airport sungah tuzingsang in Local leh International Travellers khualzinmi pawlkhat awkcipgawp uh cih NST pan kiza hi. Immigration Department Counters tengah a awkcipgawp uh hi a, banghang in hihbang in mi awkcipgawp hiamcihpen athu ki theicianlo hi.

Muslim biakna te pawi “Hari Raya Aidilfitri” Holiday sungteng zumkhakzong sawtpian ahih manin, Malaysia gamsungpan azinkhia leh asungtum mi tamlua mahmah ahih manin Immigration Department Counters tengah mi a awkgawp hiding in ki ummawh hi.

KLIA Airport panin Immigration Officer khatin agenkhiatna ah Holidays hunsungteng ahih manin Passengers pen atamdiak hi ci’n genkhia hi. Immigration Counters khempeuh mahah khualzinmi Passengers teng aluttheih, apusuahtheih nadingin na aki ciatciat hi a, hihkan in amanzawding in septheih omtuan nawnlo cihi.

Civil Servant Fidelis andam akici khatzong hih khualzinlak ah ki helkha in, ama genna ah Immigration Counters maiteng ah khualzinmi bekbek kigual zihziah cihi.

Banghang in hihzah in mi tam in, ziakaihiam cihpen gencian theikeng. Ahi zongin mipen tamlua mahmah in damdambek in kikhin nitnit a, khualzinmi tezong lungduainawn mello uhhi ci’n genkhia hi.

Video: Holiday travelling passengers swamp KLIA immigration counters

Vanleng tawh alengkhiading Passengers pawlkhatpen avanleng alenkhiat hunding naihluata ahih manin, patau mahmah uh a, amai ah akigual te kiangah kongkhengthei “Cut queue” theiding uhhiam ci’n huhna ngenkawikawi uhhi.

Hih mihonpi pen tamkisalua ahih manin Video leh Photo kizaih in, WhatsApp messaging platform tungah ki thehzakpah hi.

More: Malaysia vanlengkhat Jakarta khuasungah atuksawm laitak apei siazan gawp

Immigration Department deputy director general (Control) Datuk Ibrahim Abdullah in agenkhiatna ah hihbangdan Aidilfitri pawihun ciangin khualzinmi pen atamdiak theimah hi ci’n genkhia hi. Sawltak #zomidaily