Malaysia, Klang leh Shah Alam vengsung tengah tuicin tungkawikawi

Malaysia, Klang leh Shah Alam vengsung tengah tuicin tungkawikawi

Malaysia, Klang leh Shah Alam vengsung ahzong Tuesday tuzingsang lamin guahtui tamluatna hangin tuicin tungkawikawi cih theStar pan kiza hi. Zingsang khuavakma in nai tampisung guah zuziahziah ahih manin, mun tampi ah tui kivunggawp in khuasung mipi te cimawh mahmah hi.

Selangor Fire and Rescue Department te genkhiatna ah zingsang 5am hunpawl akipan cimawh dongtuak pawlkhatin huhngetna Distress Call hongsampah ngeingai uh cihi.

Klang venglam zuatna Federal Highway lamzikpi te ahzong mawtaw awkcipgawp in, adiakdiak in mun aniamna te ah tui kivung zihziah ahih manin, mawtaw tawh khuasung nasem kuanding te cimawh mahmah uhhi.

Bukit Raja Flyover, Sungai Rasau Toll leh Padang Jawa cihte ah huaisia phadiak hi.

Taman Rasah leh Bandar Bukit Raja vengsung aom tezong tui asanna Pi 3 bang khangtoliang ahih manin, innpan in nasemding in kuamah kuankhia theilo uhhi.

Video: Morning downpour causes flash floods in Klang and Shah Alam

Shah Alam, Section 32 sungteng, Taman Bukit Kemuning leh Kg Bukit Naga vengsung ahzong tuicin tungkawikawi hi. Klang tuipinawl Coastal Area tengah tuihual lianpipi omsawnsawn ahih manin munkhempeuh tuitawh kidim hi.

Aeon Bukit Raja ahzong Lorry Driver khatleh aki thuahpih Assistant khat tuicinlak ah mawtaw tawh awkcip uh a, ahi zongin ahunlap in Firefighters te’n honkhiathei bilbel uhhi.

More: Kawlgam Ayeyarwady luidungteng ah tuikhanggawp, U Bein lei zong tui in tumcipdek

Malaysia, Penang khuasungteng ahzong tusungteng tuicin tungkawikawi in, khuasung mipi te cimawhthei mahmah uh a, asizong pawlkhat om cih kiza hi. Sawltak #zomidaily