Malaysia, Klang aom Factory khatpan numeikhat thagum tawh kipummat: Kidnap
Malaysia, Klang vengsung aom Factory khatpan in numeikhat zawhthawh thutawh ki mancip, Kidnap kibawl cih theSun pan kiza hi. Tuni Friday (Dec 8) zingsanglam in thupiang hi a, hih Video Clip pen Malaysia gamsung Social Media tuamtuam ah ki thehzakpah hi.
Klang, Kampung Jawa sung aom Factory khatah thupiang hi a, CCTV sungah aki etkik ciangin Mercedes Benz mawtaw akang khat Factory Gate mai ah akhawl kimuthei hi. Tuaciang in numeikhat hong pusuak in, mawtaw nungah angak pasal khatin laidal Document tungah letmat thuhsakding in kithawi hi.
Tualaitak in tua numeinu pen zawhtawhthu tawh mancip in, mawtaw anunglam tutna ah sawnsuk hi. Numeinu pen kitomgawp himahleh mawtaw asungpan inzong pasal khatin nalen in, nakaitumsuk a, kongkhak khakcipsuk hi.
Tuakhit ciangin apualam aom pasalpa pen Driver Seat ah tusuk in mawtaw hawlkhia vingveng hi. Hih thubuai Incident pen tuzingsang 9:40am hunpawl in thupiang ci a, khuavak mipi muhtang mahin akiman, Kidnap akibawl uh himawk hi.
Factory sungpan pasal nih pusuak in delhkhia uh himahleh, mawtaw pen hattak in taikhia vingveng ahih manin phazo nawnlo uhhi.
Hihvai tawh kisai in palik thunei ahi Shah Alam police chief ACP Shafien Mamat in agenna ah hihthupiang pen atakpi hi a, Police Report zong hongki bawlkhin cihi. Tulaitak Police te’n kancianna, investigation abawlsan laitak hi ci’n genkhia hi.
Malaysia Netizens te sungah hih Video Clip pen tuni ki thehzakpah, Viral gawp in, Mercedes Benz mawtaw ii Registration Number zong KEE46 kici hi. Tua numeinu ii innkuanpih meltheih tanau te’n hih Video Clip pen akhahkhiat masak uh kici hi.
More: Malaysia gamsung thukham palsat “Crime List” sungah suzuak mah tampen
Mat athuak numeinu ii asanggam pasal khat ahi S. Nantha kicipa in Seri Muda Police Station ah hihvai tawh kisai in Police Report kabawlkhin uh, hih mawtaw amukha atheikha te’n hong zasak un ci’n Social Media ah huhna ngenin gelhkhia kici hi. Sawltak #zomidaily
Comment piaknop aomleh...