Malaysia gamsung thukham palsat “Crime List” sungah suzuak mah tampen

Malaysia gamsung thukham palsat “Crime List” sungah suzuak mah tampen

Malaysia gamsung thukham palsat in gamtatna “Crime List” aki etcian ciangin suzuak “Prostitution” vaimah tampen cih theStar pan kiza hi. Numei kizuak “Prostitution” nasep asemte pen atuamtuam in ki selsim a, Spa Therapists cihmah, Reflexologists cihmah minvawh in asem tammahmah cihi.

Adiakdiak in tuabang in Sex Worker ahih keileh Prostitution asem lakah gamdangmi tammahmah cihi.

Tuabang in Malaysia gamsung ah akizuakding dingin apai tepen gamsung Immigration Rules apalsat banah Moral zong sukha mahmah hi ci’n Malaysia Immigration Department pan thunei Director-general Datuk Seri Mustafar Ali in genkhia uhhi.

Prostitution bekthamlo, Malaysia gamsung ah gamdangmi Criminal Activities tuamtuam asem tammahmah cihi. Tuate lakah Kidnapping, Robbery, Human Trafficking, Murder cihbang in thukham palsat in gitloh gamtatna tuamtuam tammahmah hi.

Tukumsung January pan May khasung, kha 5 sung bekbek inzong Malaysia gamsung panin gamdangmi “illegal workers” akigawm in mi 23,000 ki hawlkhiakhin, agam uhah kipuak “Deportation” kibawl hi ci’n Immigration Department Director in genkhia hi.

Malaysian gammi te’nzong agamsung ah gamdangmi te utbang in agamtat uhpen diksa hetlo uh a, tuavai tawh kisai inzong Immigration Department Director pa’n mipi te na lunghimawh kei un, avek in ki siansuah ding, agamah kipuakding hi ci’n genkhia hi.

Immigration Department te genkhiatna ah tukumsung bekbek inzong Bangladesh gammi 4200 ki hawlkhiakhin cihi. Tua aki hawlkhiate lakah mi 621 tepen Kidnapping leh Robbery vaitawh thukhun palsatte ahi uhhi.

Indonesia gammi zong mi akigawm in mi 6849 ki hawlkhia khin a, tualak ah i 621 tepen Human Trafficking leh Drug Trafficking vaitawh akisawhkha te ahi uhhi.

Tukum March khasung inzong Malaysia, Ipoh khuasung ah Kawlgammi numei akizuak mi 19 kimankhia cih thuthang kiza a, Kawlgammi khat ihhihna tawh zaknopmello hi.

Related: Penang ah Kawlgammi nih kitawngin temta tawh kidawtliam

Penang khuasung ahzong Kawlgammi te ngongtatna pen tusung phadiak kilimzak mahmah a, gammi te’nbel hong nuamtuam hetloding himawkmah hi. ZD Sawltak #zomidaily