KL Airport sungah Kim Jong-nam thatding in aki ummawh numeikhat ki matbeh leuleu
Malaysia Kuala Lumpur Airport sungah North Korea gammi Kim Jong-nam ki suamlupna vaitawh kisai in asuamlum dingin aki ummawh numeikhat ki matbeh leuleu cih Agencies News pan kiza hi. Hih ki suamlupna Assassination vaitawh numeikhat zanni in aki mankhin hi a, tuni Thursday (Feb 16) ni in adang numeikhat aki mankhia leuleu ahihi.
Malaysian Inspector General of Police (IGP) pan thunei te genkhiatna ah tuni akimatbeh pen KL Airport CCTV sungah Kim Jong-nam athat numeinu tawh kibangmahmah ci uhhi. Hih akimatbeh numeinu pen aki matlaitak in Indonesian Passport cihi. Passport tungah aminpen Siti Aishah kici a, akum pen 25 ahihi. Zanni in akiman masa numeinu minpen Doan Thi Huong kici a, hihnu pen Vietnam gammi kici hi.
Tuni akiman Siti Aishah pen ama ii Data teng aki sitcian ciangin Indonesian Citizen khat hikhading hi ci’n Indonesia kumpi thunei te’n genkhia uhhi. Indonesian Embassy pan inzong Consular Access nongpiak uhleh akisam bangbang in kong huhding uhhi ci’n genkhia hi.
Zanni in akiman Vietnam numeinu pen tuni Thursday ni in Malaysia Court ah thusitna neiding uh kici hi. Tuakhit ciangin hih numei tenih pen ni 7 sung ki kemcipding a, thusitna kineizelding hi.
Aki suamlum Kim Jong-nam ii luanghawm zong Putrajaya Hospital panin Kuala Lumpur Hospital ah Autopsy bawlding in akipuak hi a, agil kikheikhinding himahleh a Result pen ki pulakkhia nailo hi.
More: KL Airport sungah misuamlum dingin aki ummawh numei khat kiman
North Korean Embassy panin thunei honkhat zanni in HKL ii Forensics Department mai ah ngakcip uh cihzong kiza hi. ZD Sawltak #zomidaily
Comment piaknop aomleh...