Kim Jong Nam luanghawmpen ngetna aomkeileh Malaysia ah kivui theiding

Kim Jong Nam luanghawmpen ngetna aomkeileh Malaysia ah kivui theiding

Malaysia, Kuala Lumpur International Airport sungah February 13 ni in aki suamlum North Korea gammi Kim Jong Nam ii aluanghawm pen tudong Malaysia mahah aomlai ahihi. Aluanghawm pen meltheih tanau kinaipih “next-of-kin” khatin alakkhiat lohbuangin mimawkmawk in aluanghawm alakding kiphallo ahih manin tudongmah Malaysia Hospital Kuala Lumpur ah ki koihkoih laimawk hi.

Malaysia Deputy Health Minister Datuk in Kim Jong Nam ii aluanghawm alading meltheih tanau aomkeileh Malaysia gamsung ah akivui kulkhading hi ci’n tuni genkhia cih NST pan kiza hi.

Deputy Health Minister pa genbehna ah misi luanghawmpen ni tuazahbek misi koihna Morgue sungah kemtheiding cihbangbel thukhun omlo hi. Ahi zongin misi khatpeuh aom ciangin kuami kuasa cih Identification akitheihcian khitnakleh vuikhiatding pen a ngeina “Usual Procedure” ahihi ci’n genbeh hi.

Tulaitak pen Kuala Lumpur Hospital’s Forensic Department ah kikemlai a, bangcihding cih khentatna Decision bel kibawlnailo cihi.

Vai thupi mahmahkhat himawk ahih manin tulehtu in bangci kisepding cihpen honggenkhia theinaikei ning, ahi zongin hun hongpia un, ahun tungleh hongki tangko khiading hi ci’n Reporters te dotna tungtangah genkikna nei hi.

Hihbangin agenkhiatna ah Inspector-General of Police Tan Sri Khalid Abu Bakar in misi amin apuam ki theiciankhin ahih manin, Malaysia Health Ministry te tungah ki ap khading hi ci’n Statement ah pulak ahih manin, tua Statement tawh kizui in genkhiatna leh dawnkikna anei ahihi.

KLIA2 sungah akisuamlum Kim Jong Nam pen zilehta anei hi a, ahi zongin azi ata tezong apa uh mahbangin aki suamlupding uh patau mahmah kicimawk hi. Abeisa in azi pen Macau ah omding in kigen a, atapa pen UK gamsungah sangkah in kigen hi.

More: Kim Jong Nam suamlupna ah akihel numei nihte “Murder Case” tawh thu kibawl

Nungdiak in atapa apa ii luanghawm alading in Malaysia paiding cih Media tuamtuam in genkhia uh a, ahi zongin paitaktaklo hi. Paingamlo peuh kicikik mawk hi. ZD Sawltak #zomidaily