Malaysia, Kuala Lumpur International Airport (KLIA2) sungah abeisa February 13 ni in North Korean gammi Kim Jong-nam ki suamlum hi. Tua aki suamlup hun laitak in Kim Jong-nam ii vanlak ah US$120,000 om cih Asahi Newspaper (Japan) te’n pulakkhia uhhi.
Tua sumte pen asihma ni 4 akisap laitak in Hotel khatah American gammi khattawh kimu uh a, tuapa ii apiak kici hi. Tua American gammipa zong US Intelligence Agency tetawh kizopna aneikhat hiding kici hi.
Kim Jong-nam pen US Citizen patawh Malaysia gamsung Hotel khatah nai 2 sung kimukhawm uh a, tua akimuh laitak in tuasum te akipia uh cihi.
Asahi Newspaper te genkhiatna ah Malaysia Authorities te’nzong hihzahzah sum kipiakpen athupi mahmah Information khatpeuh akileina uh hiding in ummawh cihi. Malaysia gambupsung ahzong tuazahzah sum Bank panin aki thohkhia “Withdrawal” omlo cihi.
Kim Jong-nam pen tulaitak North Korea gammakai, aki lipkhap mahmah Kim Jong-un ii asanggam, nu kibanglo, pa kibang (half-brother) ahihi. Kuala Lumpur International Airport sungah “VX nerve agent” kici Chemical Weapon namkhat tawh numeinih in suamlum uhhi.
Related: KLIA2 sungah Kim Jong Nam kithahzawh khakhatsung thupiang te ~ ZD
South Korea gamte’n Kim Jong-nam ki suamlupna pen North Korea te khutlum hiding cipahlian uhhi.
Malaysia Authorities te’nzong Kim Jong-nam ii vanlak ah US$100 laidal vive, dal 300 ta in aki henkhawm litlet, thoh 4 ki mukhia ci uhhi. Avekin akigawm ciangin sumtang Cash US$120,000 phalian takpi hi.
Video: New CCTV shows moment Kim Jong Nam assassinated
Kim Jong-nam pen Diplomatic Passport tawi ahih manin, avan Luggage pen Malaysia gamsungpan apusuah sawmciang in hoihtak in ki sitcianlo cihi. Sawltak #zomidaily
Comment piaknop aomleh...