Khuak hoih sang hanciamna hoihzaw ~ Pau Do Lian

Khuak hoih sang hanciamna hoihzaw ~ Pau Do Lian

Lawhcing ihcihte kuate hiam? Hihpen article hilo zaw in alawhcing numei nokhat ii thu atom in konghawpsawn nop man ahihi.

Hsiao, kum 17 apha’ Walnut South California a om numei no, Harvard, Princeton, Yale leh US gamsunga sanghoih khempeuh in hih numeino nu asangvua akahsaktheih nadinguh kituh uh hi. Hsiao pen kum 5 aphakin Malaysia pan US ah peemta in anutawh a om numeino khat ahi hi. Banghang a hih numeino mipilten deih uh hiam? Cih lunglut huai mahmah hi. A essay gelh asimkhakna panun deih mahmah uh hi. A GPA 4.67, hi a, SAT ah 1540 ngah hi. Amahpen minih kitellak ah khat ahi hi.

A essay gelh te a tom in:

“Ka innvua kazat uh English pen English taktak hilo hi, a awsuah atuampi khat ahi hi, gentehna, snack leh snake awsuah khenthei lo hi ung ka leei uh kizial theilua lo hi. Elementary lai in English siam lolua kahihman in ‘language specialist’ sindingin class pan hongkai khia uhi.

Ka nu in atheihzahzah tawh honghilh hi a, ka nu English awsuah cileng, ‘film pen flim cihbang, cast pen cash, success pen sussess cibang awsuah tawh sang kah ka hihman in English siam vive class a kalawm te hongnuihsan zelzel uh hi.”

Hih numeino hanciam naleh angimna neihna te enleng mikim in lawhcin na khat teitei kingah theiding cih hong musak hi. Apil, akhuak hoih hilo zaw in hanciamna leh ngimna kician nei in lungkia ngeikei phot phot leng ih vision kingah hamtang ding hi cih hong phawksak ahih man in khangno te hanciam ni. Hsiao thu akim asim nuamte adingin link, http://afterschool.my

Pau D.Lian
Study Ph.D. Intercultural Studies