Khuahun sialua ahih manin Kuala Lumpur atuding vanleng pawlkhat Penang ah kitusak

Khuahun sialua ahih manin Kuala Lumpur atuding vanleng pawlkhat Penang ah kitusak

Malaysia, Kuala Lumpur International Airport (KLIA) ah atuding vanleng pawlkhat khuahun siatluatna (bad weather) hangin North Peninsular Malaysia aom vanlengtual te ah kitusak cih theStar pan kiza hi.

Hihvai tawh kisai in Malaysia Airports vaihawm thunei te’n Thursday (February 1) ni in agenkhiatna ah vanleng Flight 5 tepen Kuala Lumpur International Airport (KLIA) atuding hi a, ahi zongin khuahun siatna hangin Penang International Airport ah ki tusak cihi.

Tuaban ah Thailand, Bangkok panin Kuala Lumpur International Airport (KLIA) zuanin alengkhia Malaysia Airlines MH789 vanlengzong Langkawi International Airport ah atuding in ki laihsak “Re-routed” sak hi.

Kuala Lumpur International Airport (KLIA) ah atuding himahleh Penang International Airport ah aki laihsak vanleng tepen:

• Malaysia Airlines MH1397 from Kota Baru to Kuala Lumpur
• Malaysia Airlines MH001 from London to Kuala Lumpur
• Malindo Air OD551 from Yangon to Kuala Lumpur
• Cathay Dragon KA725 from Hong Kong to Kuala Lumpur
• Himalaya Airlines H9890 from Kathmandu to Kuala Lumpur

Hih vanleng te lakah Myanmar, Yangon panin alengkhia Malindo Air khatzong kihel hi. Kuala Lumpur khuapi atudingin alengkhia pen Penang khua pekah aki tungseisai photdingdan hihtuak hi. Sawltak #zomidaily