Khuado Pingpong Fellowship TA President Cup nuamtak kizo

Khuado Pingpong Fellowship TA President Cup nuamtak kizo

Khuado pingpong fellowship TA President Cup kidemna tuni Yangon khuapi sung aa aom galkap te kimawlna huang sung ah nuam tak in kibawl thei hi.

ဒိုင္ခ်ဳပ္ pen Pa Zam Za Mung in hong sepsak in nuam mahmah hi. Amah pen eimi sung ko theih na ciangciang ah asiampen hi.

Sak le khang pan kikai khawm in mi 20 val bang ka ki dem/mawl thei uh hi.

Asiam zaw deuh te in khang thak te pahtah na tawh amau fellowship bek in hong kimawl uh in khangno te ki hampha hi.

• Akhatna – Tg. Zam Sian Khai ( Vangteh)
• Anihna – Tg. Thang Khan Thawn ( Pimpih) leh
• Athumna – Sia Thang Sian Mung ( Kawl- Zozang) in hong ngah uh in ki lungdam pih mahmah uh hi.

ႏွစ္သိမ့္ဆု pen numei khat bek hong pai aa hong kimawl Siama Neam Kang in ngah hi.

Hih atung aa teng pen 23 ni in Khuado pawi mipi mai ah pah tawina kipia ding hi. Sum le pai hong sikh Tedim Association akua matek tung ah zongh ki lungdam mahmah hi. Pingpong sat vaihawm committee

Khuado Pingpong Fellowship TA President Cup 2018

Zomi te ngeina sung ah athupi pen ahi KHUADO Pawipi muakna in, Yangon ah Tedim Association pan vaihawmna tawh Pingpong Fellowship TA President Cup kibawl ding hi.

Oct 20, 2018 (Sat) ni, 10:00 Am pan 3:00 Pm sung in Tamadaw table tennis training center, Coner of Zagawar St and Myoma Kyaung St, Dagon Township ah kibawl ding hi a, a kidemnuam te in, Sia Lianpi 09 45000 1538 Thawng Mang 09 971 293 248 ah Oct 18 ni anunung pen in min piak ding ahi hi.

Yangon om Zomi te kilawmtatna ading kibawl hi a, Pahtawina zong in kipia ding ahihi cih thukizahi.

Yangon Khuado Pawipi ading Kiginna

Hong tung in October 23, 2018 in MBC, Judson Memorial Hall ah kibawl ding Yangon Khuado Pawipi ading kiginna Meeting pen TBCY ah Oct 6, 2018 in kibawl thei hi.

Tukum Khuado Pawipi piicing tak in bawlzawh nading in Zomi Sumbawl minthang Pa En Kap in Ks Sang 50
ah piakkhiatna nei ding cih thukiza hi.

Tua ban ah,
Kum 70 tungsiah Pi Le Pu te pahtawina zong kipia ding a, tulaitkak in mimal 200 val sazian kingah khin cih kiza hi. Hih pahtawina te ading a bei khempeuh Pa Thomas Khanno in piakhiatna nei ding cih thu kiza hi. Khuado Muakna in Table Tenis kidemna zong kibawl ding hi. Zingsol